Jaqynda besikten beli shyqpaǵan balalarǵa jynystyq qatynasqa túsýdiń joldaryn búge-shúgesine deıin úıretetin paraqshalar taratylǵan. Tipti, tegin músheqaptar berilgen dep habarlaıdy «Eýrazıa» birinshi arnasy.

Elordadaǵy mektep oqýshylaryna "jynystyq qatynasqa túsý joldaryn" úıretenin paraqshalar taratylǵan. Jaǵa ustatarlyq broshúralardyń biri Astanalyq Gúlbaný Ábenovanyń qolyna túsken. 

«Múshe qapty qalaı qoldaný kerek, jigitterdi qanaǵattandyrý týraly aıtypty. Qazaq qoǵamynda asa kóp talqylana bermeıtin taqyryptyń osylaısha anaıy túrde berilgeni ashýymdy týdyrdy.  Men de 15 jastaǵy qyz tárbıelep otyrmyn, onyń qolyna mundaı qaǵaz túskenin qalmaýshy edim» - dep narazylyǵyn bildirdi qala turǵyny.

Osylaısha, ábden ashynǵan ana seksýaldyq qarym-qatynasty sýretteıtin paraqshanyń túpnusqasyn áleýmettik jelige júktepti. Ony oqyǵan jurt ta tań qalysyp jatyr. Pikir de ekige bólingen. Biri durys dese, ekinshi tarap "sumdyq" dep pikir qaldyrǵan. 

Kulyanda Baturbekova: Oı sumdyq aı. Mynaý bizdiń mádenıetke tipti ersi..Báriniń de shegi bar! Endi qalǵany osy edi. Buryn ózimizdiń klass jetekshilerimiz qyzdardy bólek, uldardy bólek shaqyryp, áńgimelesip-aq jetkizetin edi.

Nazgul Zhardembek: Bizdiń  qoǵamda ne bolyp jatyr? Ápkemniń aıtýynsha, aýyldaǵy 5-synyp oqýshylary jynystyq qatynasqa túsip jatyr eken.  Tipti, qońyraý kezinde balalardyń ústinen birneshe márte túsken. 

Alfiya Sagittarius: Durys aıtasyz! Qaǵazdy qyzyma kórsettim. Onyń aıtýynsha, munda júktilikti aldyn-alý joldarynan góri, jynystyq qatynasqa túsýge shaqyrtý sıaqty kórinedi

Belgili bolǵandaı,  jýyrda  qalalyq mektepterdiń birinde erte júktiliktiń aldyn alý boıynsha qyzdarǵa dáris oqytylypty.  Al, anaıy túrde jazylǵan qaǵazdy boıjetkenderdiń qoldaryna mamandardyń ózderi  ustatypty. 

 «Negizi emhanada ornalasqan "Salaýatty ómir saltyn qalyptastyrý  ortalyǵynan kelgen jarnamalar ǵoı. Sol jaqtan kelgen mamandar. Qajet dárister ǵoı bylaısha,ıbiraq árıne mazmuny jas ereksheligine saı jasalý kerek bolatyn» - deıdi qalalyq bilim basqarmasynyń baspasóz hatshysy Jazıra Asanova.     

Al qalalyq densaýlyq saqtaý basqarmasynyń aıtýynsha, kámelet jasqa tolmaǵan jastarǵa jynystyq qatynasqa túsý joldaryn búge-shúgesine deıin úıretetin paraqsha aldyn-ala tekseristen ótpegen. Sebebi, 14-16 jastaǵy oqýshylarǵa ótkiziletin kez-kelgen dáris pen túsindirme paraqshalary arnaıy ortalyq mamandarynyń baqylaýynan ótýi qajet. 
 
«Bul aqparat boıynsha biz eshqandaı málimet alǵan joqpyz! Aqparatta kórsetilgen mynaý QPMA tek solarǵa arnalǵan. Bul balalar úshin emes,tek qana medısına qyzmetkerleri úshin usynys retinde usynylǵan. Bul - mektep oqýshylar, jastar úshin aqparattyq qaǵaz bolyp tabylmaıtynyn100 paıyz aıta alamyz» deıdi qalalyq densaýlyq saqtaý basqarmasynyń januıany josparlaý jónindegi bas mamany Janerke Ajetova.

Bilim jáne ǵylym mınıstrligi de bul máseleden habardar bolyp shyqty. Vıse-mınıstrdiń aıtýynsha, atalmysh máselege qatysy bar  qyzmetkerlerdiń bárinen jaýap alynyp, mektepterde arnaıy qyzmettik tergeý jumystaryn bastamaq.

«Búgin biz qyzmettik tergeý jumystaryn júrgizemiz. Bizde bilim basqarmasyn baqylaý komıteti bar. Olar paraqshany kim jazǵanyn, kim ony taratýǵa pármen bergenin anyqtaıdy» dedi QR Bilim jáne ǵylym vıse-mınıstri Bıbigúl Asylova.

Osylaısha, qulaqqa turpaıy estiletin máseleniń shyǵýyna ázirge kim kináli ekeni belgisiz. Tek, aldaǵy ýaqytta mektep oqýshylaryna ótkiziletin dárister, semınaralar jiti súzgiden ótkizilmek.