Pavlodar polısıasy oblys ortalyǵynan ondaǵan shaqyrym qashyqtyqta jolda turyp qalǵan avtobýstaǵy jolaýshylarǵa kómektesti, dep habarlaıdy jergilikti BAQ.

Avtobýs ishinde Ózbekstannyń 55 azamaty bolǵan. Olardyń bári Reseıge jolǵa shyqqan. Oblystyq ishki ister departamentiniń habarlaýynsha, jol-patrýldi polısıa qyzmetkerleri jolda turyp qalǵan avtobýsty Dostyq aýylynyń mańynan tapqan.

Polısıa qyzmetkerleri jolaýshylardy aýyldaǵy mektepke jetkizip, olardy jylytyp, ystyq tamaq bergen. Ózbekstan azamattary basqa avtobýspen Reseıge qaraı qaıta jolǵa shyqqan. Olardy Reseı shekarasyna deıin jetkizip salǵan. Ári qaraı mıgranttar reseılik avtobýsqa otyrǵan.

Jyl basynan beri Pavlodar oblysynda osymen úshinshi ret Reseıge bara jatqan avtobýs buzylyp, jolaýshylar jedel qutqarylǵan.