Qazgıdromet 15 aqpanǵa arnalǵan aýa raıy boljamyn jarıalady, dep habarlaıdy Qamshy.kz aqparat agenttigi.

Atmosferalyq fronttardyń ótýine baılanysty búgin Qazaqstannyń basym bóliginde turaqsyz aýa raıy saqtalady. Keı jerlerde qalyń qar jaýyp, jel kúsheıedi.

Keı óńirde tuman túsip, kóktaıǵaq bolady.

Jambyl oblysynda tuman, kóktaıǵaq, burqasyn bolyp, jeldiń kúsheıýi 15-20, ekpini 25 m/s-qa jetedi.

Shyǵys Qazaqstan oblysynda burqasyn bolyp, jel kúndiz 15-20, túnde 25 m/s-qa deıin kúsheıedi.

Almaty oblysynda tuman túsip, kóktaıǵaq bolady. Túnde jel 15-20 m/s-qa deıin jetýi múmkin.

Aqmola, Qostanaı, Pavlodar oblystarynyń keı jerlerinde burqasyn bolady, jel 15-20 m/s kúsheıedi.

Soltústik Qazaqstan, Qaraǵandy oblystarynyń keı jerlerinde tuman bolady, Qaraǵandy oblysynda jel 15-20 m/s kúsheıýi múmkin.

Qyzylorda, Ońtústik Qazaqstan, Mańǵystaý, Atyraý, Batys Qazaqstan, Aqtóbe oblystarynyń keı jerlerinde tuman túsedi.

Qyzylorda, Ońtústik Qazaqstan oblystarynda jeldiń kúshi 15-20 m/s jetedi.