Bul oqıǵa Reseıdiń Volgograd qalasynda  bolǵan. Ata-ana 7 jyl boıy balasyn óldi dep oılaǵan. Balanyń ata-anasy jaıly sot oryndaýshylary alıment tóleýin talap etip habarlasqan. Belgili bolǵandaı jeti jyl boıy deni saý bala jergilikti ınternatta turǵan. Bul jaıynda Life.ru jazady.

2011 jyly volgogradtyq erli-zaıyptylardyń otbasynda ul dúnıege kelgen. Alaıda dárigerler balanyń qaterli aýrýmen týǵanyn aıtqan. Dárigerler bul aýrýmen bala bir aptadan artyq ómir súrmeıdi dep anasyn kóndirgen. Sol kezde ata-ana júrektegi qorqynyshpen baladan bas tartqan.

Alaıda bir apta ótken soń ata-ana óz sheshimderinen aınyp, balany qaıtaryp almaq bolady. Aýrýynan aıyqtyryp, ósirýdi oılaıdy. Perzenthanaǵa kelgen sátte dárigerler balanyń shetinep ketkenin aıtqan.

Alty jyl ótken soń áıelge bankten hat kelgen. Sot oryndaýshylarynyń sheshimimen áıeldiń esepshoty 230 myń rúblge buǵattalǵan. Ol óziniń esh qaryzy bolmaǵanyn aıtyp federaldy sot oryndaýshylarynyń fılıalyna kelgen.

Anyqtalǵandaı áıel óziniń «ólgen» balasy alty jyl ómir súrgen ınternat-úıine alıment tólemegen. Internat basshylyǵy sot oryndaýshysyna shaǵym jasap kelgen. Erli-zaıyptylar ózderiniń uldary úshin alıment tólemegenin aıtqan.

Sol kúnnen keıin erli-zaıyptylar óz balalaryn qoldaryna alǵan. Ata-analyq quqyǵyn qaıtarǵan. Alaıda perzenthana qyzmetkerleriniń nege balany óldige balǵany áli de bolsa belgisiz.