«Jańa jaǵdaıda jańǵyrýǵa degen ishki umtylys – bizdiń damýymyzdyń

eń basty qaǵıdasy. Ómir súrý úshin ózgere bilý kerek.

Oǵan kónbegender tarıhtyń shańyna kómilip qala beredi»

N.Á.Nazarbaev

Elbasymyz N.Á.Nazarbaevtyń 2016 jylǵy 14 qańtardaǵy №173 Jarlyǵymen 1 naýryz Alǵys aıtý kúni bolyp jarıalandy.

Qazaqstan halqy Assambleıasynyń qurylǵan kúninde Elbasy taǵdyr tálkegimen Qazaqstan jerine qonys aýdarylǵan ózge ulttarǵa qamqor bolǵan qazaq halqynyń darhan minezin alǵa tarta otyryp, 1 naýryz Alǵys aıtý kúnin atap ótý ulttar dostastyǵynyń belgisi retinde kórsetti.

«Altyn degen – jer syıy, alǵys degen – el syıy» demekshi qazaq halqynyń alǵys aıtý dástúri kóne túrki mádenıetinen bastaý alady.

Bul dástúrdiń túpki maǵynasy – rızashylyq bildirý arqyly jamandyqtan alshaq bolýdy tileý.

Elbasymyzdyń da «Rýhanı jańǵyrý» atty maqalasynyń negizgi túıini naryqtyq ekonomıka zamanynda ultymyzdyń óz mádenıetin, dástúrin qaıta túlete otyryp básekege qabiletti memleketke aınaldyrý edi.

Bir sózben aıtqanda eldegi bastalǵan aýqymdy jobalar qazaq halqynyń mádenıeti men dástúrine baǵyttalýy tıis.

Osy oraıda, Prezıdentimizdiń ıdeıasyn qoldaý maqsatynda prokýratýra organdary da elimizde quqyqtyq tártipti nyǵaıtýda óz úlesin qosyp keledi.

Táýelsizdik alǵaly beri Memleket basshysynyń qoldaýymen prokýratýra quqyq qorǵaý júıesiniń basty ınstıtýty, sondaı-aq zańdylyqty nyǵaıtýdyń, adam, qoǵam jáne memleket quqyqtaryn qorǵaýdyń quraly retinde tanyldy.

Qoǵamdy qaıta túletýge, umtylǵan dástúrimizge jańasha ómir berý jáne ony jas urpaqtyń boıyna sińirý búgingi aǵa býyn ókilderiniń mindeti.

Ataýly kúni jasta kári de bir-birinen keshirim surap, alǵys aıtýy eldigimiz ben birligimizdiń jemisi dep bilemin.

«Jaqsylyq – bul, kereńniń estı alatyn, soqyrdyń kóre alatyn dúnıesi» dep Mark Tven aıtqandaı, adamǵa jaqsylyq jasaý, jaqsy nárse tileý adamdyqtyń belgisi.

Osyǵan oraı, óz qyzmetterin adal atqarǵan oblys prokýratýrasynyń 10 qyzmetkeriniń ata-analaryna sanaly tárbıe, sapaly bilim bergenderi úshin óz atymnan alǵys bildirdim.

Bul qadam, jas mamandardy jetistikke jeteleıtinine senemin.

Atyraý oblysynyń prokýrory

E.Sybanqulov