Klımatologtar aldaǵy ýaqytta Saharanyń joıylýy múmkin ekenin aıtady.

Jahandyq jylyný men tabıǵı klımattyq aýytqýlardyń nátıjesinde Sahara shekarasy sońǵy júz jylda 10%-ǵa keńeıe túsken. Bul qubylys Soltústik Afrıkaǵa keri áserin tıgizip jatyr, dep jazady Qamshy.kz aqparat agenttigi.

«Sahara shóliniń ulǵaıýy ásirese Chad ózeniniń tarylýyna ákep soqty. Shól dala shekarasy ońtústikke qaraı yǵysyp, ózen tartyla bastaǵan. Qubylystyń izi tek Afrıkanyń ortalyq bóliginde emes, barlyq óńirde baıqaldy. Biz ózen sýynyń ájepteýir azaıǵanyn senimdi túrde aıta alamyz», - dedi AQSH-taǵy Merılend ýnıversıtetiniń klımatology Sýmant Nıgam.

Osydan 10 myń jyl jáne shamamen 30-50 myń jyl buryn shóldiń ornynda túrli ósimdikterge toly jasyl alqap bolǵan. Antropologtardyń pikirinshe, jasyl Sahara adamdardyń Afrıkany tastap, Jer betine jaıylýyna sebep boldy.

Búginde klımatologtar Saharanyń joıylyp ketýi múmkin ekenin aıtyp dabyl qaǵýda. Oǵan jaýyn-shashynnyń artýy sebep bolýy múmkin. Jahandyq jylyný kúsheıip, mýsondardy Sahara aımaǵyna jáne Sahel jarty shól dalasyna qaraı yǵystyrady. Sonyń nátıjesinde ǵasyr aıaǵyna taman eki óńir de savannaǵa aınalady dep boljaıdy ǵalymdar.

Nıgam men onyń áriptesi Natalı Tomastyń aıtýynsha, ázirge bári kerisinshe bolady. Saharanyń aımaǵy ulǵaıyp, soltústik qana emes, ońtústik óńirlerdi de jaılaýy múmkin.