Quran Kárimde juma namazy kezinde jumys isteýge, saýda-sattyq jasaýǵa qatysty: «Eı, adamdar! Juma kúni namazǵa shaqyrǵan kezde saýda-sattyqty tastap, dereý Allah Taǵalany eske alýǵa júgirińder. Eger bilseńder bul sender úshin qaıyrly. Namaz oqyǵan soń jer betine taralyńdar, Allah Taǵalanyń syıynan násipterińdi izdeńder. Allah Taǵalany kóp zikir etseńder tabysqa jetesińder» delinedi («Juma» súresi, 9-10-aıattar).
Aıattan uqqanymyzdaı, juma namazynan buryn jáne keıin jumys isteýge, saýda-sattyq jasaýǵa esh tyıym joq. Biraq juma namazy paryz bolǵan adamdar juma namazy ýaqytynda saýda-sattyqty qoıyp, meshitke kelýleri kerek. Sol sebepten, juma namazyn oqý paryz bolmaǵan adamdarǵa saýda-sattyǵyn jasaı berýine bolady. Al juma namazy paryz bolǵan adamdarǵa juma ýaqytynda saýda-sattyq jasaý – haramǵa jaqyn mákrúh. Alaıda saýda-sattyǵynan túsken paıdasy oǵan adal bolyp esepteledi. Osyǵan baılanysty, juma namazyn oqý mindet bolǵan adamnyń ornyna juma namazy paryz emes adamdy qoıyp ketýine bolady (Ibn Abıdın, Hashıatý Ráddıl-Muhtar, İİİ, 161).
Pikir qaldyrý