Men «Shaıtanǵa tabyný» (satanızm) aǵymyna 15 jasymda keldim. Meniń ata-anam dindar adamdar, biraq men basqa joldy tańdadym. 12 jasymnan bastap ishimdik ishtim, temeki tarttym, anasha shektim. Ol ýaqytta men "trý-emo" sekildi júrdim. Uzyn kekilim boldy. Keıde kózimdi boıaıtynmyn.

Bir kúni dosymnyń úıine qonaqqa bardym. Onyń úıinen «Shaıtannyń kitabyn» taýyp aldym. Onyń avtory - «Shaıtan shirkeýin» qurǵan» Anton LaVeı. 1969 jyly onyń tırajy mıllıonnan asqan.

«Shaıtanǵa tabyný» aǵymy meniń ishki jan dúnıemdi, dertime túsingendeı kórindi.

Kelesi kúni anammen urysyp qaldym. Bólmemdi ishten qulyptap deneme «Shaıtan shirkeýiniń» belgisin saldym. Qan kóp ketti. Men barlyq denemdi tilgilep tastaǵym keldi.

Shaıtanǵa tabyný degenimiz tek ózińniń qara basyńdy ǵana oılaý. Atalmysh aǵymda únemi mas bolyp júrý, tamaqty normadan tys jeý, kez kelgen adammen jynystyq qatynasqa túsý quptarlyq is.

Bir kúni shaıtandy túsimde kórdim. Ol meniń tósegimniń janynda tur eken. Ol ádemi kıingen, sóıleý máneri jaqsy. Shaıtan maǵan «emtıhannan ótseń ólesiń» dedi. Sol ýaqytta shaıtanmen kelisimge keldim. Shaıtan maǵan alkogóldi ishimdikti urlap, qyzdarmen tek jynystyq qatynasqa túsý úshin ǵana kezdesip, adamdardy bir-birine qarsy qoısam kómektesetinin aıtty.

Osy jaǵdaıdan keıin qatty ózgerdim. Adamdardy bir-birimen urystyryp, ótirikti kóp aıtýdy shyǵardym. Ata-anammen jıi sózge keletin boldym. Qyzymmen de aramyz sýyp ketti. Sonyń nátıjesinde, qyzymmen aıyrylystym. Ata-anamdy jıi renjitetin boldym. Dostarymnyń kóbi menimen aralaspaı ketti. Men ózimdi aıdala jalǵyz qalǵan adamdaı sezindim.

Men emtıhandy oıdaǵydaı tapsyrdym, biraq tiri qaldym. Shaıttannyń maǵan ótirik aıtqanyn túsindim.

Men basymdaǵy sumdyq jaǵdaıdan arylýǵa dinı festıvál kómegin tıgizdi. Festıvál aıaqtalýǵa taıaǵanda beıtanys adam men úshin duǵa etetinin aıtty.  Beıtanys adam ómirde eshqandaı úmit joq bolyp kóringenimen qudaıdyń maǵan qatysty óz jospary bar ekenin aıtty.

Festıválden qaıtqanda ózimdi erkin sezindim. Dinge bet burdym. 20 jasymda Sara esimdi qyzdy kezdestirdim. Kóp uzamaı ekeýimiz otaý qurdyq.