Elbasy «Tórtinshi ónerkásiptik revolúsıa jaǵdaıyndaǵy damýdyń jańa múmkindikteri» Joldaýynda  jumys berýshilerdi tartý arqyly jáne halyqaralyq talaptar men sıfrlyq daǵdylardy eskere otyryp, tehnıkalyq jáne kásiptik bilim berý baǵdarlamalaryn jańartý qajettigin aıtqan bolatyn.

Osy oraıda qoǵamdaǵy  suranysqa ıe mamandyqtardyń biri elektrgazben dánekerleýshi mamandyǵyna jastardy Oraldaǵy birqatar kolejde oqytady. Sonyń biri Oral polıtehnıkalyq koleji. Atalmysh kolej dırektorynyń kásibı bilim berý jónindegi orynbasary Janat Nurahmetovanyń aıtýynsha, sońǵy úsh jyldyń ishinde dánekerleýshi mamandyǵyna oqyp jatqan stýdentter «WorldSkills Kazakhstan» óńirlik birinshiliginen júldesiz qaıtqan emes. Stýdentter Astanada ótetin ulttyq chempıonattan jıi júldemen oralady. 2016 jyly respýblıkalyq jarysta stýdent Maksım Sýmkın 2-oryn aldy. Búginde ol kolejdi bitirip, Shynarly ken ornynda shetel kompanıasynda jumys isteıdi. Onyń óndiristik tálimgeri Valerıı Lakeevtiń eńbek ótiline 35 jyldan asqan. Al onyń shákirtteri dánekerleýshilerdiń ká-sibı baıqaýynda ylǵı da kózge túsip, top jarady. Kolejdegi arnaýly pán oqytýshysy Abat Nurjanovtyń dánekerleý isiniń sarapshylyq halyqaralyq sertıfıkaty bar. Joǵary sanatty oqytýshydan tálim-tárbıe alǵan stýdentterdiń ishinde osy qalaıy joq. Jalpy, dánekerleýshilerdi kásibı turǵydan daıarlaýǵa bul kolejdiń materıaldyq bazasy aıtarlyqtaı joǵary.

– 2011 jyldan bastap kásiptik bilim berý salasyna naqty kóńil bóline bastady. Bıyl 32 mln. teńge qarjyǵa dánekerleýshilerdi oqytýǵa qajetti zamanaýı jabdyqtar satyp alyndy. Bes mamandyqtyń, 29 biliktiliktiń ishinen elektrgazben dánekerleýshi mamandyǵyna jabdyqtar aldyq. Óıtkeni bul mamandyqqa suranys joǵary. Jyl saıyn dánekerleýshi mamandyǵyn ıgergen túlekterimiz 100 paıyz jumyspen qamtylady. Bıyl da solaı bolady

dep kútilýde, – dedi Janat Serǵazyqyzy. Onyń sózine súıensek, kolejde lazerlik apparattan basqa elektr doǵalyq, jartylaı aýtomat, argondyq, shve-

sıalyq «MİG c200G c200i» bir fazalyq jáne «WARIOK 500 Icc/cv» kóp fýnksıaly dánekerleý apparattary stýdentterdi dánekerleý isiniń qyr-syryna úıretýde taptyrmas kómekshi. Negizi atalmysh kolej qurylysshy mamandyǵy boıynsha bazalyq oqý orny sanalady. Oǵan qosa bıylǵa deıin dánekerleý mamandyǵy boıynsha da bazalyq oqý orny bolyp keldi. Bolashaq dánekerleýshiler kásiporyn-uıymdarda jappaı mashyqtanýdan ótken kezde ózderin jaqsy qyrynan kórsetip jatsa, jumys berýshiler sol stýdentterge arnaıy jumysqa shaqyrtý beredi. Mysalǵa, sondaı shaqyrtý alǵan stýdent Andreı Fedorýshkın búginde «Zenıt» zaýytynda jumys isteıdi. 2016 jyly kolej túlekteriniń 26-sy óndiris oryndaryna joldama aldy. 2017 jyly

túlekterdiń 19-y arnaıy shaqyrtý alyp, kásiporyndarda jumysqa qaldy. Sol 19-dyń ishinen alty dánekerleýshini jeke kásipkerlik nysandary attaı qalap, jumysqa alyp tyndy. Mysalǵa, Andreı Noskov «Losman» JK-ǵa, Alekseı Stepanenko degen stýdent «Perepelkın» JK-ǵa jumysqa qabyldanǵan.

Dánekerleýshi mamandyǵyna Batys Qazaqstan ındýstrıaldy koleji de oqytady. Qazir alty top stýdenti osy mamandyqqa oqýda. Olardyń 60 paıyzy – aýyl-aımaqtan kelgen jastar. Kolej basshylyǵy stýdentterdi óndiristik jáne dıplomaldy praktıkadan ótkizýge, jumysqa ornalastyrýǵa, arnaıy pán oqytýshylary men óndiristik oqytý sheberlerin kásiporyn bazalarynda taǵylymdamadan ótkizýge qaladaǵy birqatar zaýyt-kásiporyn-

darmen kelisimsharttar jasaǵan. Sonyń ishinde «Zenıt», «Oral transformator zaýyty», «Qaztelekom», «Oral quıý-mehanıkalyq zaýyty» syqyldy óndiris oshaqtary bar. Osyndaı áleýmettik seriktester kóbinese dánekerleýshi mamandyǵyn ıgergen jastardy jumysqa qabyldaıdy.

Dırektor orynbasary Tilektes ahmadıevtiń sózine súıensek, 2016 jyly jergilikti búdjetten kolej bazasyn nyǵaıtýǵa 30 mln. teńgeden astam qarjy bólingen bolsa, ótken jyly qural-jabdyq úshin

36 mln. teńge qarjy qaralyp, úsh ınteraktıvti-vırtýaldy jattyǵý qurylǵysy men sandyq-baǵdarlamalyq tásilmen basqarylatyn qondyrǵylar satyp alynǵan.