Alda egin egý naýqany kele jatyr. Kúnniń qyzýy molaıyp, jylýy jerge jetken shaqta dıqandar qaýymy jer jyrtý sharýasyna kirisetini málim. Zeıneti men beıneti qatar júretin eginshilik kásibine tyńǵylyqty túrde daıyndyqpen barǵan durys. Osy oraıda Batys Qazaqstan oblysyndaǵy dalalyq jumystarǵa daıyndyq pysyqtaldy.

Batys Qazaqstan oblystyq aýyl sharýashylyǵy basqarmasy basshysynyń orynbasary Satqan Ómirzaqovtyń aıtýynsha, bıyl aýyl sharýashylyǵy daqyldarynyń alqaby 513,5 myń gektarǵa josparlanǵan. Kóktemgi dalalyq jumystardy ýaqtyly jáne  sapaly júrgizý maqsatynda tıisti sharalar qabyldanyp, jumystar atqarylǵan. Josparǵa sáıkes barlyq dándi daqyldyń alqaby 259,0 myń gektardy quraıdy eken. Kóktemgi egistik jumystaryna 630-ǵa jýyq sharýashylyq qurylymy qatysady degen jospar bar. Oblysta dándi daqyldar egýmen 460, kartop ósirýmen 105, maıly dándi daqyldar egýmen 64 jáne baý-baqsha ónimderin ósirýmen 67 sharýashylyq aınalysady. Sondaı-aq 71,0 myń gektar jerge kúzdik daqyldar egilgen.

Al «Agrarlyq nesıe korporasıasy» AQ oblystyq fılıalynyń dırektory Erlan Nysanǵalıevtiń aıtýynsha, Agrarlyq nesıe korporasıasy BQO-daǵy  agroónerkásip salasyna jalpy 20 mlrd. teńgeden astam qarjy salǵan. Fılıaldyń kredıttik portfeli búginde 12 mlrd. teńgeni quraıdy eken. Jyl saıyn kóktemgi egistik jumystaryna baǵyttalǵan nesıe resýrstary memlekettik baǵdarlamalar jáne korporasıanyń óz qarajaty esebinen bólinedi. Byltyr osy maqsatqa 34 aýyl sharýashylyǵy taýar óndirýshige 612 mln. teńge kóleminde nesıe berilgen. Atalmysh qarjy  tolyq ótelgen. Bıylǵy kóktemgi dalalyq jumystaryna «Keń dala» baǵdarlamasy boıynsha 547 mln. teńge kóleminde nesıe berý josparlanyp otyr. Soǵan oraı búginde 17 sharýashylyq qurylymynan 474 mln. teńgege ótinish túsipti. Qazirgi tańda 10 sharýashylyqqa 265 mln. teńge berilgen. Erlan Berkinuly aıtyp ótkendeı, egin egý jumystaryna «Agrobıznes» baǵdarlamasy boıynsha 28 sharýashylyqtan 460  mln. teńgege ótinimder tússe, qarajattyń 232 mln. teńgesi sharýalarǵa berilgen.

          Aýyl sharýashylyǵy  kez kelgen qoǵam ekonomıkasynyń, adamzat tirshiliginiń , barlyq óndiristiń negizi. Sondyqtan agrarlyq saıasatty júrgizýdegi BQO-daǵy  ońdy bastamalar jalǵasyn taba beretin bolady.