Memleket basshysynyń tapsyrýy boıynsha Almaty ákimi Baýyrjan Baıbek Uly Otan soǵysynyń ardageri Ádish Ábdiraıymovty mereıli 100 jasqa tolýymen quttyqtady.

Ádish atanyń ózi aıtqandaı, ol 1918 jyly 9 mamyrda týylǵan. 1938 jyly Harkov farmasevtıka ınstıtýtyna túsedi, al 1941 jyly Ońtústik-SHyǵys maıdany 173-shi atqyshtar dıvızıasynyń jaýyngeri atanady.

Bergedorftegi tutqyndyq jáne Noıengamme konslagerindegi qıynshylyqty bastan ótkergen Ádish Ábdiraıymov úıine tek 1947 jyly oralady.

1952 jyly Tashkenttegi Orta Azıa memlekettik ýnıversıtetin «bıolog» mamandyǵy boıynsha bitirip shyǵady. Oqýdan soń tájirıbe stansıasynyń zerthana meńgerýshisi bolady jáne Ońtústik Qazaqstan oblysyndaǵy qazirgi Maqtaral aýdanynda maqtanyń jańa sorttaryn shyǵarýmen aınalysady.

Búgingi kúni Ádish atanyń tórt balasy, úsh nemeresi jáne bir shóberesi bar.

«Men barlyqtaryńyzdy búgingi erekshe merekemen quttyqtaımyn. Jer betindegi barlyq adamdarǵa densaýlyq, baqyt jáne ózara túsinistik tileımin. Eń bastysy – aspanymyz ashyq, adamdar baqytty ǵumyr keshýde. Qazirgi kezde Elbasymen birge bizdiń halqymyz ózara dostyq pen kelisimde beıbit ómir súrýde. Qazaqstan árqashan gúldene bersin, sizderdiń urpaq soǵys pen onyń zardabyn eshqashan kórmesin jáne tartpasyn», - dep atap ótti Ádish Ábdiraıymov.

Eske salsaq. búgin Almatyda Memleket basshysy qurmetti qaraýylmen birge Dańq Memorıaly janyndaǵy máńgilik alaýǵa gúl shoqtaryn qoıdy jáne bir mınýttik únsizdikpen Uly Otan soǵysynda qaza bolǵandardy eske aldy.Nursultan Nazarbaev soǵys ardagerlerimen jáne tyl eńbekkerlerimen kezdesti, olardyń arasynda Ádish Ábdiraıymov ta boldy.