Prezıdentimiz «100 naqty qadam – Ult jospary» jáne bıylǵy jyly qabyl­daǵan  «Tórtinshi ónerkásiptik revolúsıa jaǵ­daıyndaǵy  damýdyń jańa múmkin­dikteri» atty Joldaý­la­rynda aqparattyq júıe­lerdi biriktirý, mobıldik sıfrlyq qosym­shalardy qoldaný, elektron­dyq  densaý­lyq pasportyn engizý, qaǵaz qoldanbaıtyn aýrýhanaǵa kóshý  arqyly medısınalyq kómek­tik qoljetimdiligi men tıimdiligin arttyrý qajettiligin atap aıtqan bolatyn.  Elbasynyń bul tapsyr­masy qazirgi tańda Almaty qala­syndaǵy emdeý mekemelerinde  qyzý qoldaý taýyp, qalanyń densaýlyq saqtaý salalary  biryńǵaı aqparat­tyq  júıege kóshý jumys­taryn belsen­dilikpen qolǵa alyp,  aqpa­rat­tandyrý júıesine qajetti qural-jabdyqtardy ornalastyrý ústinde. Bul  is-shara  Almaly aýdanyna qarasty №8 qalalyq emhana ujy­mynda da uıymshyl­dyqpen qolǵa alynýda. Almaty qalasy­nyń  «Alma­ty –2020»  damý baǵdar­lamasyndaǵy «Deni saý qala» baǵytymen  úndesken bul ıgi isti júzege asyrý maqsa­tynda   1 mıllıard teńge  bólinip, 6 myń  dana kompúter satyp alynǵan bola­tyn. Qalalyq densaýlyq saqtaý basqar­masy qazirgi tańda ár emdeý meke­mesin tıisti jabdyqtarmen qamta­masyz etip, biryńǵaı aqparttyq júıeleri  qurylý ústinde.

– Qazir densaýlyq saqtaý salasy birtindep elektrondy júıege kóshe basta­ǵany belgili. Elektrondy tirkelý,  elek­trondy kezek, dárigerge aldyn-ala jazy­lý,  dárigerlik anyq­tamalardy elek­trondy túrde berý jumystary búginde jaqsy jolǵa qoıylǵan. Al endi  densaý­lyq saq­taý salasy tolyq biryńǵaı aqpa­ra­ttyq júıege kóshken kezde   qaǵazsyz jumys isteý múmkin­digine ıe bolamyz.  Ol, eń aldymen, dárigerle­rimizdiń eńbek ónimdiligin arttyryp, naýqasqa jetkilikti kóńil bólýine  múmkindik beredi. Emdelý­shi úshin de tıimdi bolmaq. Ár naýqas óziniń jeke kabıneti nemese «Damymed» júıe­si arqyly aldyn-ala dárigerdiń qabyldaýyna jazylyp, aqyl-keńes alyp, ózine taǵaıyndalǵan dári-dármekter men emdik sharalarymen tanysyp, eńbekke jaramsyzdyǵy jónindegi qaǵazynyń kóshir­mesin de  elektrondy tásil arqyly alatyn bolady.   Bul júıeniń taǵy bir artyq­shyly­ǵy –  ondaǵy «Beımaza núkte»   júıesi arqyly júkti jáne bes jasqa deıingi jas balalary bar áıelder kez-kelgen  ýaqytta osy júıege habarlama jiberip, ózine jáne sábıiniń densaý­lyǵyna baıla­nysty  qajetti dárigerlik keńes alyp, dárigerge joldama nemese onlaın dárigerlik taǵaıyndaý alýla­ryna bolady.  Ár naýqastyń elek­trondy pasporty jasalady. Ol arqyly naýqas óziniń densaýlyǵyn qadaǵalap otyrýǵa múmkindik alady. Bul   bizdiń kópten kútken jańaly­ǵymyz edi. Qoly qaǵazdan bosaǵan dárigerlerdiń naýqas­pen kóbirek jumys isteýlerine, aýrýdyń sebep-saldaryn anyqtaýǵa múmkindikteri kóp bolady, – deıdi №8 qalalyq emha­nanyń bas dárigeri Farıda Aǵybaeva.

Qalamyzdaǵy  densaýlyq saqtaý salalaryndaǵy   biryńǵaı aqparat­tyq júıege kóshý jumystary qarasha aıynda  tolyq aıaqtalyp, keler jyldan bastap emhanalar tek  sandyq tehnolo­gıalar negi­zinde jumys istemek.