«Dom» qaıyrymdylyq qorynyń dırektory,  qoǵam qaıratkeri, aktrısa    Arýjan Saıynnyń pikirinshe, Qazaqstandaǵy balalar úıin 7-8 jyldyń ishinde bosatýǵa bolatyn kórinedi dep habarlaıdy tengrinews.kz tilshisi.

 Telejúrgizýshi Arýjan Saıynnyń sózine súıensek, búgingi tańda Qazaqstandǵy 196 ınternatta  shamamen 11 myń bala  tárbıelenýde.  Jyl saıyn memleket ata-anasynan aıyrylǵan tastandylardyń esebine 8 mlrd. teńge bóledi. Sonda árbir balaǵa orta eseppen shamamen 1 mln.  teńgeden keledi.

     Sondyqtan,  Arýjan  hanym  balalar  úıiniń azaıýy  úshin  túrli  usynystar jasap  otyr.

  «Aldymen,   barlyq kemshilikterdi  esepke ala otyryp, ásirese   qarjylandyrý jaǵyn jaqsylap oılanyp, saraptama jasaý kerek. Mysaly,  bir otbasyda sábı aýrý bolyp týyldy delik. Ol otbasynyń nemese jalǵyzbasty ananyń páteri nemese aqshasy joq. Mundaı jaǵdaıda náreste óz  úıinde tárbıelene bersin, biraq memleket qarjyny sol otbasyǵa bólsin.  Degenmen  bul jerde de taǵy oılanyp, jaǵdaıdy anyqtaý qajet»,- dedi Arýjan Saıyn.

   Onyń aıtýy boıynsha, 2010 jyldyń 8 naýryzyna qarsy Elbasymen kezdesý barysynda balalar úıinde tárbıelenip jatqan sábılerdiń jaǵdaıy týraly másele  kóterilgen.  Sondaı-aq, elimizde bul  jaıtqa  zań jaǵy da    asa  mán  berip  otyr.  Máselen, buryn balalar úıindegi tárbıelenýshiler jaıly aqparatty ashyq kúıinde jarıalaýǵa bolmaıtyn  edi,  al  jańa  «Neke men otbasy» Kodeksiniń qabyldanýyna baılanysty, áke-sheshesiniń qaraýynsyz qalǵan balalardyń sýretterin qórsetip, aty-jónderin jáne týǵan kúnderin kórsetýge bolady.

    Sonymen  qatar,  «2012 jyldyń shildesinen bastap, «Dom» qaıyrymdylyq qory jáne Bilim jáne Ǵylym Mınıstrliginiń  balalar quqyǵyn qorǵaý Komıtetiniń birigýimen  «balalardyń maǵlumaty týraly onlaın-banki» jobasy  iske qosyldy. Qazirgi tańda onlaın-bank bazasynda 2000-ǵa  jýyq balanyń aqparaty tur. Shyndyǵynda,  ol jerde Qazaqstandaǵy barlyq  tastandy balalardyń málimeti bolýy kerek»,- dedi. Bul  júıe  ─ jetim  bala asyrap  alýshy  qaıyrymdy  jandarǵa  arnalǵan  eń  tıimdi,  ári  nátıjeli  is. Sebebi,  bala asyrap  alǵysy  kelgen kez-kelgen adam  osy onlaın-bankıngke  kirip,   katolog  arqyly  ózine  unaǵan  balany  tańdap  ala  alady.   Bul  jańa  júıeniń  nátıjesi  de  jaman  emes.   Balalar úıindegi tárbıelenýshiler týraly aqparat ornalasqan onlaın-banktiń arqasynda  jarty jyldyń  ishinde balalar úıinen  55 bala asyrap alynǵan. Bank uıymdastyrýshylary  aımaqtyq departamentterden balalar jaıly aqparattar molyraq berse  degen  nıette.   

 Arýjan hanymnyń aıtýyna qaraǵanda,  balalar úıiniń azaıtý  áleýmettik sharalar sanyn kóbeıtý kerek kórinedi. «Aıaly alaqan», «Doroga domoı» syndy áleýmettik baǵdarlamalar qataryn kóbeıtip, áleýmettik rolıkterdi kóptep túsirip, nasıhat amaldaryn júrgizý qajet. Osyndaı  sharalar turaqty  túrde júrgiziler bolsa,  bolashaqta  jetimder  úıi azaıatyn  bolady»,- degen senimde.  ─ Bir  qýantarlyq jaıt,   2005 jylmen salystyrǵanda,   Almatydaǵy balalar úıinde tárbıelenýshiler sany  qazirgi tańda  áldeqaıda az. Soǵys kezinde ata-anasynan aıyrylǵan balalardy týystary, aǵaıyndary asyrap alatyn edi. Bizdiń halqymyzǵa «balalar úıi» degen túsinik áli de jat. Sony tipten alyp tastaýymyz qajet»,- deıdi.

 Túıin:  Búgingi  bezbúırektik pen  qatigezdik  jaılaǵan  qoǵamda  jetimin qazaq  jylatpasa  eken.  «Ár -  qazaq meniń  jalǵyzym»  deıtin azamattar  bolsa, jetimderdi   jebeı  júrip,  rýhanı jáne  materıaldyq  kómek  kórsetse  ıgi edi.  Sebebi  kózderi  jáýdiregen  qaradomalaq  qazaq  balalary  jetimdik kúıin  keship, tastandy  atanýy  – ulttyń  súıegine tańba.