Sırıanyń soltústik-batysynda áýe shabýylynan 44-ke jýyq adam qaza tapty. Oqıǵa 7 maýsymda keshke bolǵan.
Beıbit turǵyndardyń áýe shabýylynan qaza tapqanyn "Aq kaska" uıymynyń qutqarýshylary da rastap otyr. Qaza tapqandardyń kóbi balalar. Keıbir derekter boıynsha, shabýyldan 60-qa tarta adam jaralanǵan. Jaralylardyń birazy aýyr halde jatqandyqtan, qurbandar sany ulǵaıýy múmkin degen boljam bar.
Áýe shabýyly Idlıb provınsıasynyń Zardana eldi mekeninde jasalǵan. Bul aımaqty sırıalyq kóterilisshiler baqylaıdy. SOHR áýe shabýylyn Reseı ushaqtary jasaǵan bolýy múmkin dep boljaıdy. Reseı áskerı qolbasshylyǵy bul aqparatqa ázirge komentarı bermedi.
