Qazaq tili Egıpette oqylatyn boldy. Ýnıversıtet baǵdarlamasyna pán retinde alǵash ret engizildi. Bul týraly Qazaqstannyń Egıpettegi elshisi Arman Isaǵalıevtiń Kaır ýnıversıtetiniń rektory Mohammed Ál-Hoshtommen kezdesýi barysynda naqtylanǵan.

Rektor ýnıversıtette ádebıet fakúltetiniń ashylyp, ondaǵy pánderdiń qazaq tilinde júrgizilý úlesin qosqan Qazaqstan elshisine alǵysyn bildirdi. 2018-2019 jyldardan bastap Qazaqstan tarapy elimizdiń ýnıversıtetterinen Egıpet azamattary úshin 18 stıpendıa bóldi.

İrgesi 1908 jyly qurylǵan Kaır ýnıversıteti Taıaý Shyǵystaǵy eń iri «Ál-Azhar» ýnıversıtetinen keıin ekinshi orynda. Búginde oqý ornynda 20 fakúltet, 10 ǵylymı-zertteý ınstıtýty, 1 observatorıa, 2 aýrýhana jáne 10 medısınalyq ortalyq bar. Álemdik reıtıńte joǵary pozısıany ustanatyn ýnıversıtet farmasevtıka salasy aıasyndaǵy oqý oryndarynan alǵashqy júzdikke, medısına salasy boıynsha úzdik 250 ýnıversıtettiń qataryna, ınjenerlik sala boıynsha úzdik eki júzdikke jáne hımıa salasy boıynsha úzdik 300 ýnıversıtettiń qataryna kirgen.