Búginde aýyr dertke shaldyǵyp, týylǵanynan taǵdyr tálkegine túsken sábıler az emes. Ásirese, elimizde DSP dıagnozymen dúnıege keletin sábılerdiń sany jyl sanap artýda. Balasynyń derti janyna batyp, elimizdegi ońaltý ortalyqtarynyń tabaldyryǵyn tozdyryp júrgen ata-analary men balalary kúnderdiń kúninde bir jaqsylyqtyń bolatynyna úlken senimmen qaraıdy. Olardyń birinshi súıeneri – halyq.

Kóp túkirse kól bolady... Ánel esimdi 4 jastaǵy búldirshinniń emine Qamshy.kz aqparat agenttigi men Gaýhar Jumabaeva esimdi anasymen kópshilikten kómek suraımyz.

Áneldiń anasy Gaýhar DSP dertimen týylǵan qyzynyń emine nebári bir jeti qalǵanyn aıtyp, dabyl qaǵýda. Tamyzdyń 20-na deıin 80 000 teńgeni jınaýǵa judyryqtaı jumylyp, kishkentaı búldirshinniń saýyǵyp ketýine tıtteı de bolsa kómekterińizdi aıamaı, shette qalmaýǵa shaqyramyz.

«Ánel 7 aılyq bolyp dúnıege kelgen. Búginde jasy 4-te, áli kúnge deıin júre almaıdy. Jaqynda ǵana tórt aıaqtap eńbekteı bastady, buryndary múlde eńbekteı de almaıtyn edi, aqyryndap tizerlep turýdy úırenip keledi. Barlyq qajetti em-domyna ýaqytyly aparyp, kerek nárseniń barlyǵyn úzbeı jasap turǵannan osyndaı nátıjeler paıda boldy.

Chelábınsk qalasynda «Sakýra» atty ońaltý ortalyǵyna aparyp emdettim. Ol jerde qazaq balalary óte kóp. Ol jerdiń em-domy jaqsy, kóptegen DSP-men aýyratyn balalarǵa jaqsy nátıje berýde, biraq ol jerdiń baǵasy tym qymbat. Kóp ata-ananyń qaltasy kótere bermeıdi. Ol jerdiń baǵasy Qytaıdaǵy emniń baǵasymen birdeı. Al Qytaıda medısına jaqsy damyǵan, ol bárimizge belgili. Sonymen qatar, Qytaıda basqa elderde joq túrli apparattar bar, ol apparattar balalardyń emdelip ketýine úlken septigin tıgizedi: mıdyń jumysyn jaqsartady, júıke júıesin qalypqa keltiredi. Otandyq medısına nashar dep aıtpaımyn, degenmen Qytaıda medısına salasy edáýir damyp ketkenin ári sapaly ekenin moıyndaımyn. Ásirese DSP derti negizinen sol elde emdeledi. Sondyqtan da Ánelimdi Qytaıǵa aparyp emdetkim keledi», - deıdi Gaýhar Qamshy.kz aqparat agenttiginiń tilshisine bergen suhbatynda.

Onyń aıtýynsha, Qytaıǵa emdelýge barǵan búldirshinderdiń kópshiligi edáýir ońalyp, jaqsy nátıjemen qaıtady eken. Alaıda derti asqynyp ketken balalarǵa ol jaqtyń emi de esh kómektese almaıdy.

«Reseıdegi ońaltý ortalyǵynda emdelip kórdik, Almaty men Astana qalalaryndaǵy ortalyqtarǵa da bardyq, alaıda nátıjesi aıtarlyqtaı jaqsy bolmady. Bir qýantarlyǵy – qyzym eńbekteı bastady. Qytaıǵa barye, sol jaqtaǵy dárigerlerge emdetýdi baıaǵydan oılap júrmin, biraq múmkindigim bolmaı jatyr. Sol maqsatta da Instagram jelisinde paraqsha ashyp, halyqtan kómek suradym. 20-na deıin bir jetideı ýaqyt qaldy, Qytaıdaǵy dárigerlermen kelisip, jazylyp qoıǵan edim. Endigi kezekte 260 000 teńge qarajat jınaý kerek bolyp tur», - deıdi Áneldiń anasy.

Jalǵyzbasty ana óz sózinde eki jarym jyl buryn kúıeýi olardy tastap ketkenin aıtty.

«Osydan úsh jyl buryn josparlap júrdim qyzymdy Qytaıǵa aparyp emdetýge. Ol kezde nekede edim. Burynǵy kúıeýime aıtsam, ol «Kólik alýymyz kerek, anaý-mynaý» dep túrli syltaýlar aıtty. Keıinnen «Bir jyldan keıin kólik alamyn» qoımady. Bir jyldan keıin balanyń súıegi qataıa bastaıdy, Qytaıǵa aparyp emdeteıik dedim. Keıin bir jyldan soń Qytaıǵa jiberem degen ýaqytynda, ol kerisinshe bizdi tastap, ajyrasyp ketti. Eki jarym jyldan beri qyzymdy ózim tárbıelep, ósirip kelemin. Búginde Qostanaı oblysynda murajaıda jumys isteımin, aılyǵym bar-joǵy 60 myń teńge. Páterdi jaldap turamyz, ózimizdiń úıimiz de joq. Memleketten beriletin járdemaqy men meniń aılyǵymdy qosqanda 120 myń teńge – páterimizge de, kún kórisimiz de, qyzymnyń dári-dármegi – bári de sonyń ishinde», - dep qynjylady Áneldiń anasy.

Óziniń ınstagram paraqshasynda jarıalaǵan sońǵy postynda Gaýhar: «Osy paraqshadaǵy 2742 jazylýshynyń árbiri 241 teńgesin qıatyn bolsa qajetti qarajat jınalyp-aq tur eken. 241 teńge degen sizder úshin tıyn ǵana, al meniń qyzym úshin onyń ómiri. Ýaqyt taıaǵan saıyn ishimde bir panıka bastaldy. 20-na deıin qajetti qarajatty jınaı almasam ne bolady? Qyzymnyń ómiri qalaı bolady?» - dep jazady.

Iá, jumyla kótergen júk jeńil. Aıaqqa turyp saýyǵyp ketýi úshin kishkentaı búldirshinge siz ben bizdiń kómegimizge muqtaj. Ánel búldirshinniń emine kómek qolyn sozamyn deýshiler tómendegi joldarmen aqsha aýdara alady:

Áneldiń anasy Gaýhar Jumabaeva JSN: 900 302 450 944

Telefon nómiri: 8 705 576 6386

Kaspi Gold kartasy: 5169 4931 2898 2371

Halyq bank kartasy: 5354 5100  2585 7763

QIWI: 8705 576 6386

Bir aptadaı ǵana ýaqyt qaldy, dostar, kómek qolymyzdy sozaıyq! Aıanyp qalmańyzdar!