Almatydaǵy mektepterdiń birinde 6 synypta oqıtyn qyz qorada túnep, malmen birge as ishken. Ógeı ákesinen kúnde taıaq jep, óz sheshesinen qorlyq kórgen jasóspirimniń jantúrshigerlik jaǵdaıy týraly Eýrazıa birinshi arnasyna bir top ata-ana jetkizipti Ájesiniń áńgirtaıaǵynan zárezap bolǵan mektep oqýshysy ash qalmas úshin ıtpen birge aýqattanyp, birneshe kún úıine kire almaǵan. Arnanyń túsirilim toby adam sengisiz jaıtty óz kózimen kórip, shoshynyp qaıtty. Eýrazıa birinshi arnasynyń sújetinde bylaı delinedi:

««Ýhodıte. Ýhodıte ot mená. Ýhodıte. Mılısıý vyzyvý... babýlá perestan».  

Bul otbasy árıne, bizdi qushaq jaıa qarsy ala qoımady. Ashshy sýǵa toıyp alǵan oqýshy qyzdyń ájesi úıine kirgizbek túgili, jan-jaqtan qaýmalaǵan ıtterdiń jibin aǵytyp jiberdi. Adam sanyna qaraǵanda ıt pen qus kóp. Maskúnemderdiń bári osynda jınalǵan. Quddy qoqys polıgonyna uqsaıdy. Qaqpadan shyqqan oqýshy muǵalimderin kórip jylap jiberdi. Anam uryp soqpaıdy. Tek bóten bireýler meni satpaq boldy, deıdi.

«Mená voobshe hotelı prodat. Eto ne po pravılam. Kto? Ne znaıý trı cheloveka. Mama ýznala. Dılá, prekratı. Ty za svoı ıazyk popadaesh» - deıdi 6-synyp oqýshysy.

Shyndyǵyn aıta almaı, ábden dirildegen nemeresiniń aýzyn jaýyp, úıine qýyp álek bolǵan ájesi birge turady eken. Aýrýhanadan sheshesi de jartylaı mas kúıi keldi. Ógeı ákesi de ońbapty. Eki kúnniń birinde ishedi. Ýchaskelik polıseıler tizimde turǵanyn aıtady. Áıteýir, jan-jaqtan qoımaǵan soń, aqyry úıine basa kóktep kirýge týra keldi. Qaqpadan kire bergenimizde-aq muryndy jaýyp, aıaqty ańdap bastyq. 

«Zanımaıýs ýchýs. Vot ýchebnıkı. Da, splú týt. S kem? Odna. Mne mama krovat kýpıla. Teper odna splú». 

Aýladaǵy ıtter de úı ishinde emin-erkin kezip júr. Týra shybynnyń uıasyndaı, ushatyn jándiktiń túr-túri osynda. Tamaq ústelinde temeki tuqyly tolyp jatyr. Kúıe basqan qazan-oshaq, kógergen zattarmen aralasyp tur. Jýynatyn bólme de joq. Bul kórsetken eki bólmesiniń sıqy. Sheshesi jumystan qýylǵan. Kóringenniń ıtin baǵyp kún kóredi. Balanyń mektepke sasyp baratyny sodan bolar. 

- Ot vas peregar seıchas.

- Ný, vchera ý mýja den rojdenıa byl. Sobakamı zanımaıýs. Za sobak dengı polýchaıý, - dedi anasy Veronıka. 
Otbasy bul baspanada otyz jyldan beri turady. Qalanyń qaq ortasynda ornalasqan. On eki jyl buryn aınalasyndaǵy barlyq úıler súrilip, Radovıch áýletine kelgende qurylys toqtap qalypty. Baspananyń tórt qubylasynda tereń qazylǵan tórt or bar. Qulaǵaly turǵan úıdi jalǵyz temir tirep tur.  Synyp jetekshisi men ýchaskelik polıseıler aı saıyn tekserip turǵanymen birde biri bilim bólimine jetkizbegen be, áıteýir memlekettik qorǵaýshylar bizden estip, ushyp jetti. 

«Joq biz bilgen joqpyz. Biz bárin birdeı bile bermeımiz. Bul jer sanıtarlyq normaǵa saı emes. Qyzdyń densaýlyǵyna zıan keltiredi. Komısıa arqyly qyzdy alyp ketetin shyǵarmyz. Bizdiń qadaǵalaýymyzda bolady» - deıdi Bostandyq aýdany bilim bóliminiń bas mamany Nıkolaı Han. 

Bilim bólimindegiler otbasyna tek úsh kún ǵana ýaqyt berdi. Dúısenbi kúni tekseriske kelgeninde úıdegi ıtter men aınalasyndaǵy qaptaǵan súıekter túgelimen joǵalsyn dedi. Jóndeý jumysy bolmasa da, eń quryǵanda shybyndardy ketirip, tazalyq saqtaýyn talap etti. Eger ol da oryndalmasa, 12 jastaǵy qyz memleket qamqoryna ótýi múmkin.