Ótken aptada Týberkýlez problemalary Ulttyq ortalyǵynda «Buqaralyq aqparat quraldarynda týberkýlez taqyrybynyń jazylýy» degen atpen jýrnalıserge arnalǵan trenıń ótti.

         Bul sharanyń negizgi maqsaty aıqyn. Ol, árıne, jýrnalıser qaýymyna týberkýlez taqyrybynda durys jazýdy, osy salaǵa qatysty qoldanylatyn termınderdi oryndy paıdalanýdy úıretedi. Jáne naýqas adamdardyń kóńiline keletin sózderdi qoldanýdan abaı bolýǵa shaqyrady. Sebebi, bárimiz jaqsy bilemiz, aýrý mazasyn alǵan jannyń kóńil-kúıi tez ózgerip otyrady. Mine, sondyqtan, dál týberkýlez taqyrybyn saýatty jaza bilý asa mańyzdy. Ókinishke qaraı, elimizde salalyq jýrnalısıka, onyń ishinde medısınalyq jýrnalısıkaǵa mamandanǵandar sany tym az. 4 saǵatqa sozylǵan trenıń barysynda osyndaı aýqymdy máseleler sóz boldy.

Sonymen qatar, Týberkýlez problemalary Ulttyq ortalyǵynyń dırektory Tileýhan Ábdildaev jyl sanap týberkýlezge shaldyǵatyndar sany azaıyp keletinin aıtty. Aldaǵy ýaqytta da týberkýlezge qarsy kúres jalǵasa bermek. Sebebi, bul aýrýdyń deńgeıin neǵurlym tómendetýge bárimiz múddelimiz.

Trenıń aıasynda halyqty týberkýlez týraly aqparattandyrý, jýrnalıserdi bul taqyrypty asa jaýapkershilikpen jáne qyraǵylyqpen jazý máselesin qatysýshylar uzaq talqylady. Tek qana jýrnalıser emes stýdentter, densaýlyq saqtaý uıymdarynyń mamandary túrli taqyrypta dáris tyńdap, pikir almasty. Jýrnalıser týberkýlez taqyrybyna materıal jasaǵan kezde birneshe qıyndyqpen kezdesedi eken. Olar:

1. Statısıkalyq aqparattyń azdyǵy;
2.  Negizgi keıipkerdi tabý qıyndyǵy;
3. Taqyrypqa qatysty termınderdi durys túsinbeý.

Trenıń kezinde týberkýlez týraly gazet-jýrnal betterinde jaryq kórgen, telearnadan kórsetilgen materıaldarda statısıkalyq derekterdiń qate beriletini, kóp jaǵdaıda jýrnalısiń sensasıa qýyp, osy aýrýdyń zardabyn arqalap júrgenderdiń kóńiline keletin sózderdi qoldanatyny anyqtaldy.

Budan soń jýrnalıser men ózge de qatysýshylar buryn BAQ betinde jaryq kórgen týberkýlezge qatysty materıaldarǵa redaktorlyq taldaý jasady.

Trenıń sońynda týbdıspanserde uzaq jyldar boıy emdelgen adamdarmen suhbat júrgizildi. Jýrnalıser ózderin qyzyqtyrǵan suraqqa tolyq ári naqty jaýap tapty. Jıyn sońynda qatysýshylar ózara pikir almasyp, aldaǵy ýaqytta osyndaı paıdaly trenıńter ótkizilip tursa degen tilekpen tarasty.

Týberkýlez problemalary Ulttyq ortalyǵynyń baspasóz ortalyǵy