2022 jyldyń qyrkúıeginde Memleket basshysy Qasym-Jomart Toqaev «Ádiletti memleket. Birtutas ult. Berekeli qoǵam» atty Qazaqstan halqyna Joldaýy aıasynda «Ulttyq qor – balalarǵa» bastamasyn kótergen bolatyn. Osy bastamanyń aıasynda 2025 jyly 18 jasqa tolmaǵan qazaqstandyq balalarǵa 129,38 dollary kóleminde qarajat aýdaryldy.

Óskeleń urpaqqa qamqorlyq kórsetý – memlekettik saıasattaǵy basymdyqqa ıe baǵyttardyń biri. Qazir elimizdegi otbasylar balanyń dúnıege kelgen sátinen bastap onyń er jetkenine deıin memlekettiń qoldaýyna senimdi bola alady. Aıtalyq, QR Prezıdenti Qasym-Jomart Toqaevtyń bastamasy jas azamattardyń ál-aýqatyn arttyrýǵa, sondaı-aq bilim alýyna jan-jaqty jaǵdaı jasap, tabysty bolýlaryna baǵyttalǵan. 2024 jyldan bastap jylma-jyl qazaqstandyq balalarǵa 18 jasqa tolǵanǵa deıin ınvestısıalyq tabysty qosa alǵanda, Ulttyq qordan qarajat aýdarylyp keledi.

«Biz azamattarymyzdyń ómir súrý sapasyn jaqsartyp, balalarymyzǵa kemel keleshekti qurýdyń negizin qalap jatyrmyz»,- Qasym-Jomart Toqaev, QR Prezıdenti.

«Ulttyq qor – balalarǵa» jobasynyń basty mısıasy – keler urpaqqa arnalǵan jınaqtardy qalyptastyrý arqyly qarjy resýrstaryn únemdeý jolymen ár balaǵa ulttyq baılyqtan tıesili úlesti berýdi kózdeıdi.

2024 jyly atalǵan baǵdarlamaǵa 6 919 131 adam qatysyp (2006-2023 j.j. týǵan balalardy qosa alǵanda), olardyń árbiriniń shotyna 100,52 dollar jiberildi. Aýdarylǵan aqshanyń jalpy somasy – 695,5 mln dollar. Tutastaı alǵanda, osy baǵdarlamamen qamtylǵandardyń jalpy sanynan 304 815 adam 2024 jyly 18 jasqa tolyp, olarǵa jalpy somasy 30,6 mln dollar aýdaryldy.
2025 jyly ár balaǵa japly 129,38 dollar aýdaryldy.
Baǵdarlamaǵa eki jyldan beri qatysyp kele jatqan balalardyń (ınvestısıalyq kiristi qosa alǵanda) jınaqtarynyń jalpy somasy 232,94 dollarǵa ulǵaıdy.

«Ulttyq qor – balalarǵa» baǵdarlamasy boıynsha aýdarymdar týraly aqparat eGov.kz portalynda jáne eGov Mobile mobıldi qosymshasynda 2025 j. 1 aqpanda kórsetiledi.

Tólem tetigi barynsha qarapaıym. Balanyń baǵdarlamaǵa qatysýy men eseptelgen aqsha týraly aqparatty balanyń JSN engize otyryp, arnaıy qurylǵan kids.enpf.kz saıtynan kórýge bolady. Onda baǵdarlamanyń sharttarymen tanysyp, nusqaýlyqtar, sol sekildi ózekti suraqtardyń jaýaptaryn ala alasyz. Budan bólek balaǵa arnalǵan aýdarymdar týraly derekterdi eGov.kz portalyndaǵy jeke kabınetke kirip, sondaı-aq Kaspi.kz, Halyk qosymshalary arqyly da kórýge bolady.

Memlekettiń mańyzdy mindetteriniń biri – bilim men baspana alýǵa barshaǵa teń múmkindik berý. Osy turǵydan alǵanda, «Ulttyq qor – balalarǵa» bastamasy jas qazaqstandyqtar úshin aıtarlyqtaı qoldaýǵa aınaldy.
Jınaqtalǵan somany kez kelgen jas azamat 18 jasqa tolǵanda paıdalana alady. Jınaqtar BJZQ-daǵy shottarǵa aýdarylady jáne jobanyń resondentteri ýákiletti operatorlardyń (Otbasy banki jáne Halyq banki) qosymshasy arqyly ótinish bere otyryp, tıisti somany turǵyn úı jaǵdaılaryn jaqsartýǵa jáne (nemese) bilim alýǵa jumsaı alady.

2025 jyldyń 1 qańtarynda bul maqsatqa 66 571 ótinim berilip, onyń ishinde jalpy somasy 5 316,7 myń dollarǵa 53 001 ótinim oryndaldy. Turǵyn úı jaǵdaıyn jaqsartýǵa 34 388 ótinim berildi, onyń ishinde 29 542-si oryndalyp, 2 964 myń dollary tólendi. Bilim berý boıynsha 32 183 ótinim joldanyp, onyń ishinde 23 459 ótinim qanaǵattandyrylyp, 2 352,7 myń dollar tólendi.
Bıyl baǵdarlamaǵa 6 921 035 bala qatysyp jatyr (2007 jyldan 2024 jylǵa deıin týǵan balalar). Olardyń ishinde 324 430 azamat 2025 jyly 18 jasqa tolady.

Ulttyq qordyń qarajatyn jas otandastarymyzdy qoldaý maqsatynda paıdalaný – elimizdiń ornyqty damýyna baǵyttalǵan strategıalyq sheshim. Atalǵan bastama ómir súrý sapasyn jaqsartýǵa oń áser etip, keıingi urpaqqa bolashaqqa zor senimmen qaraýǵa múmkindik beredi.

QR Qarjy mınıstrliginiń baspasóz qyzmeti