Batyrlar men aqyndar eli atanyp ketken Almaty oblysy Jambyl aýdanyndaǵy Uzynaǵash aýylyndaoryn tepken Ulttyq ulannyń azamattyq qorǵanys júıesindegi Baýyrjan Momyshuly atyndaǵy  28237 áskerı bóliminiń qurylǵanyna 30 qarasha kúni attaı 45 jyl tolady. Jarty ǵasyrǵa jýyq jyldar belesindeáskerı bólimniń aıbyndy qutqarýshylary elimiz ben baıtaq jerimizdiń qaýipsizdigin qamtamasyz etý jolynda aıtyp kelmeıtin tótenshe jaǵdaı  apattarynyń aldyn alý men onyń saldaryn joıý boıynsha qajyrly ter tógip eńbek etip keledi.

Ótkenge kóz júgirtsek, qurylǵanynan bastap kúni búginge deıingi ýaqytta ózine júktelgen mindetterdi abyroımen atqarýynyń arqasynda áskerı bólim Qazaqstannyń kúshtik qurylymdary arasynda oıyp turyp laıyqty oryn alǵandyǵyn, sondaı-aq elimizdiń qaýipsizdigi jolyndaǵy turaqtylyǵynyń birden-bir kepili ekendigin zor senimmen aıtýǵa bolady.

Tarıh betterine úńiler bolsaq, Keńestik Sosıalısik Respýblıkalar Odaǵy Qarýly Kúshteri Bas shtabynyń 1973 jylǵy 1 sáýirdegi Dırektıvasynyń negizinde 1973 jylǵy 17 mamyrda Almaty oblysy Jambyl aýdanyndaǵy Uzynaǵash aýylynda Ortalyq Azıa áskerı okrýgi qolbasshysynyń áskerleri men  jeke baılanys vzvody bazasynda Ortalyq Azıa áskerı okrýgine qarasty Azamattyq qorǵanys áskerı bólimi qurylady jáne1973 jylǵy 29 sáýirde SSRO Qorǵanys mınıstriniń buıryǵymen 30 qarasha – 28237 áskerı bóliminiń qurylǵan kúni bolyp belgilenedi. 1973 jylǵy 27 shildede SSRO Qorǵanys mınıstriniń buıryǵymen áskerı bólimniń tuńǵysh komandıri bolyp podpolkovnık Shmal Nıkolaı Fedorovıch taǵaıyndaldy.

1975 jylǵy 04 sáýirde áskerı bólimge Jaýyngerlik Qyzyl Tý tapsyryldy.

1979-1980 jyldary jaýyngerlik daıyndyq ázirliginen kórsetken joǵary kórsetkishteri úshin bólim jeke quramy Ortalyq Azıa áskerı okrýginiń aýyspaly Qyzyl Týymen marapattalady.

Elimiz Táýelsizdigin jarıalaǵannan keıin Qazaqstan Respýblıkasy Tótenshe jaǵdaılar jónindegi komıteti basshylyq quramynyń usynysy boıynsha Qazaqstan Respýblıkasy Úkimetiniń 1995 jylǵy 22 jeltoqsandaǵy Qaýlysymen jáne B.Momyshuly atyndaǵy qaıyrymdylyq qorynyń qoldaýymen áskerı bólimge Sovet Odaǵynyń batyry, Halyq qaharmany, dańqty qolbasshy Baýyrjan Momyshulynyń esimi berildi.

1997 jylǵy 09 shildede Qazaqstan Respýblıkasy Qarýly Kúshteri áskerı bólimderiniń alǵashqylary bolyp 28237 áskerı bólimine jańa úlgidegi kók tústi Jaýyngerlik Tý tapsyryldy.

Ótken dástúrli joldaryna qarap áskerı bólimniń ózindik derbes tarıhy bar ekendigin kóremiz. Áskerı bólimniń qalyptasýy men aıaǵynan tik turýyna tájirıbeli qutqarýshy mamandar, bilikti ofıserlermen aryndy sarbazdar at salysty. Qurylǵan kúninen bastap táýelsizdik jyldar belesinde bólim jeke quramy erlikter men batyrlyq úlgilerine toly dańqty jaýyngerlik joldan ótti. Túrli apattar men tabıǵı jáne tehnogendik sıpattaǵy tótenshe jaǵdaılardy joıýmen qatar qutqarý jumystaryn júrgizý boıynsha bólim jeke quramy respýblıkamyzdyń birshama óńirlerinde qyrýar jumystar atqardy, sonymen qatar respýblıka kólemindegi jáne TMD elderi arasynda ótken birlesken oqý-jattyǵýlarǵa qatysty. Júzden asa áskerı qyzmetshiler atqarǵan qyzmetterine adaldyǵy úshin túrli ordendermen jáne medaldarmen marapattaldy. Onyń aýyz toltyryp aıtarlyqbirshamasyna toqstalsaq:

1979 jyly bólim jeke quramy Medeý shatqalyndaǵy alapat órtti aýyzdyqtaýǵa, 1984 jyly Almaty oblysy, Kegen aýdanyndaǵy orman órtin sóndirýge, 1993 jyly Almaty qalasynda tyrysqaq indetin joıýǵa, 1994 jyly Qyzylorda oblysy, Lenınsk (Baıqońyr) qalasynda qutqarý jumystaryn júrgizýge, gaz jarylysynan bes qabatty úıdiń qıraýy saldarynan qaza tapqan adamdardy qutqarýǵa, 1997 jyly burynǵy Taldyqorǵan oblysy, Alakól aýdanyndaǵy Qazaq-Qytaı shekarasynda órtti sóndirýge, 1997 jyly iri kólemdegi tótenshe jaǵdaılar kezindegi TMD Korpýsynyń kúshteri birlesip áreket etý jónindegi oqý-ádistemelik jıyndarǵa, 1999 jyly Amerıka Qurama Shtaty Arızona shtatyndaǵy qutqarý qyzmetiniń qutqarýshylarymen birlesip ótkizilgen «Aıver-99» Halyqaralyq oqý-ádistemelik jıyndaryna, 1999 jyly raketa tasymaldaýshy «Proton-3» apatynyń zardabyn joıýǵa, 2003 jyly Jambyl oblysy, T. Rysqulov aýdanyndaǵy Qulan aýylynda bolǵan jer silkinisiniń zardaptaryn joıýǵa, 2004 jyly Jambyl oblysy, Jýaly aýdanynda bolǵan qar basýdan adamdardy qutqarý jumystaryna, 2007 jyly Jambyl aýdany ákiminiń ótinimi negizinde ótken selden keıingi Aqseńgir sý qoımasynda qaıtadan jóndeý jumystaryn júrgizýge, 2010 jyly Almaty oblysy, Aqsý aýdany, Qyzylaǵash eldi-mekenindegi sý tasqynynyń zardabyn joıý men jergilikti turǵyndarǵa kómek  kórsetý jumystaryn júrgizýge, 2011 jyly İle-Alataý taýly bókterinde ótken daýyldy jel saldaryn joıýǵa, 2012 jyly Ońtústik Qazaqstan oblysynda bolǵan sý tasqynynyń zardaptaryn joıýǵa, 2013  jyly Jambyl oblysy Talas aýdany Qarataý qalasyndaǵy bolǵan daýyldyń zardaptaryn joıýǵa belsene qatysty.

Áskerimizdiń áleýetin kóterý maqsatynda Elbasy Jarlyǵymen 2015 jyldyń 21 sáýirinde «Qazaqstan Respýblıkasynyń Ulttyq ulany týraly» Zań qabyldanyp, İshki áskerge Ulttyq ulan mártebesi berildi. Sol jyly Qazaqstan Respýblıkasy Tótenshe jaǵdaılar jónindegi komıtetke tikeleı baǵynysta bolǵan 28237 áskerı bólimi İshki ister mınıstrligi Ulttyq ulanynyń qaramaǵyna ótti.

Qazaqstan Respýblıkasy Ulttyq ulanynyń baǵynysyna ótken áskerı bólimniń komandıri bolyp Nurtazın Qýanysh Aýsháripuly taǵaıyndaldy.

Jańa kúshtik qurylymnyń quramyndaǵy zań aıasynda bólimge jańa arnaıy mindetter júkteldi, qyzmettiń naqty tarmaqtary men maqsattary aıqyndaldy, áskerı qurylymnyń mártebesi joǵarylatyldy. Jaýyngerlerdiń daıarlyqtaryn, kásibı biliktilikterin joǵarylatý, tájirıbelik bilimderin arttyrý arqyly ulandyq qutqarýshylarjańa kásibı daǵdylardy meńgerdi.

Quqyqtyq tártip áskerleriniń qataryna kirgen áskerı bólimge jaýyngerlik daıyndyq ázirligi artylǵan barlyq qyzmettik-jaýyngerlik tapsyrmalardy óz ýaqytynda atqarýǵa múmkindik jasaldy. Uıymdastyrý jáne tájirıbelik sharalar áskerı qyzmetshilerdiń jaýyngerlik ázirligin arttyrýǵa, olardyń azamattarǵa, qoǵam men memleketke qylmystyq jáne basqa da qol suǵýshylyqtardan tóngen qaýipti der kezinde eńserýge, sondaı-aq tabıǵı, tehnogendi jáne áleýmettik sıpattaǵy tótenshe jaǵdaılardyń saldaryn joıý boıynsha qyzmettik-jaýyngerlik tapsyrmalardy mobıldi túrde oryndaý múmkindikterin arttyrdy. Sonyń bir aıǵaǵy, 2015 jyly Almaty qalasy Naýryzbaı aýdanyndaǵy Qarǵaly, Kamenka eldi-mekenderin sý basýdan týyndaǵan tótenshe jaǵdaı saldaryn joıýǵa qatysyp, turǵyndardy qaýipsiz aımaqqa kóshirip, apat alǵan oryndarda zalalsyzdandyrý jumystaryn júrgizýmen qatar memlekettik ákimshilik mekemelerdiń, orta bilim beretin mektepterdiń aýlalary men syrt jaılaryn laılardan tazartty. Onymen qosa 2016-2018 jyldary respýblıkalyq kólemde qutqarý qyzmetterimen ótkizilip kele jatqan túrli «Jer», «Kóktem», «Qys» atalatyn qutqarý oqý jattyǵýlaryna qatysty. Ásirese 2018 jyldyń qyrkúıek aıynda Halyqaralyq deńgeıde ótken «Qazqutqarý-2018» keshendi oqý-jattyǵýlary kezinde  bólim jeke quramy ózderiniń biliktiligin taǵy da bir ret dáleldep, ózge memleketterdiń qutqarý qyzmetterine úlgi boldy.

Mine, osynaý zańǵar joldyń belesinen súrinbeı ótken ór rýhty qolbasshy B. Momyshuly atyndaǵy 28237 áskerı bólimine 45 jyl toldy. 45 jyl boıy baýyrjandyq qutqarýshylar Otan aldyndaǵy mindetterin atqarýda senimge selkeý túsirgen emes. Jyldar boıyna olarda Otanǵa adaldyq, ony qorǵaýǵa árqashan daıyn bolý, joǵary jaýyngerlik ázirlik, áskerı antqa adaldyq, qyraǵylyq pen tabandylyq, satylmaýshylyq, jaýyngerlik sheberlikti únemi jetildirý, tártip pen áskerı dostyqty nyǵaıtý syndy ózindik dástúrler qalyptasty. Al myqty áskerge jaýyngerlik daıarlyqtan bólek, qaısar rýhpen qosastrategıalyq jáne taktıkalyq amal-aıla, tehnıkalyq artyqshylyq ta ábden kerek. Sondyqtan da aıtyp kelmeıtin tabıǵat apatyna dúleı toıtarys berý úshin bilekpen birge, kásibı sheberlik, hám júrektiń de keregi aqıqat. Búginde podpolkovnık Maqsutov Dýlat Muhametqalıuly basqaratyn 28237 áskerı bóliminińbaýyrjanshylar atanyp ketken has jaýyngerleri bilektiligimen qatar júrektiligimen de halyqtyńsenimine kirip, aıtyp kelmeıtin apattyń aldyn alýda qorǵanyna aınaldy. Bul óz kezeginde Otanyn anasyndaı súıgen árbir jaýyngerdiń áskerı antyna adaldyǵy, atqarǵan qyzmetiniń nátıjesi. Demek, batyr Baýyrjannyń ónegege toly erlik isterin qashan da úlgi tutyp kelgen ulandyq qutqarýshylar úshin minsiz qyzmet – abyroı! Qashan da solaı bolyp qalmaq!

Leıteant Aıdos Baıshaǵyrov, 28237 áskerı bólimi