Aqyn Baqyt Bedelhan jan saqtaý bóliminde jatqan jary Aızada Satybaldıevaǵa arnaǵan óleńin Facebook-tegi paraqshasyna jarıalady, dep jazady Qamshy.kz aqparat agenttigi. Jaryna degen jan syryn jetkizgen aqyn óleńin nazarlaryńyzǵa usynamyz.
Aıta keteıik, 2018 jyldyń 29 jeltoqsanynda tańǵy saǵat 5-ter shamasynda Abaı-Seıfýllın kósheleriniń qıylysyndaǵy jol apaty saldarynan úsh adam qaza tapqan. Onyń biri teatr jáne kıno aktrısasy Sholpan Elgezekova. Al aktrısa Aızada Satybaldıeva aýyr halde jan saqtaý bólimine jetkizilgen.
Alas-jyr...
Esigińde sur jylan.
Bosaǵańda boz jylan.
Keregeńde ker jylan.
Mańdaıshada sor-jylan.
Mıdy shaǵyp ysqyrǵan,
Otaýyńda oq-jylan.
Kimnen medet suraıyn,
Qandaı amal qylaıyn,
Men buǵan?!
Kúnniń qutyn quıaıyn.
Aıdyń sútin suraıyn...
Aımalaǵan aq shyńdy
Tań nury bop qulaıyn.
Qaıyrylmasa,qarysyp,
Qara kózden jas emes,
Qan shyqqansha jylaıyn.
Altyn-uıam - Aq ordam,
Buǵaýyńnan bosashy,
Bosata gór, Qudaıym!
Kózi bardyń - kózine...
Tili bardyń - tiline...
Sózi bardyń - sózine...
Sýmańdaǵan páleniń
Sý quıylsyn, inine,
Qum quıylsyn, kózine!
...Qabyrǵańnan sóktirgen,
Iyǵyńnan shóktirgen,
Qanatyńnan qaıyryp,
Qaıǵyly azap shektirgen,
Jylan ketip barady,
Quıryǵy bar, basy joq.
Endi qaıtip shaǵady,
...Dushpany bop, qasy bop?!
Tur, tur, endi! Tur, endi!
Qoldap tur ǵoı, Táńirim.
Meni saǵan jiberdi,
Jaryǵym!!!
Pikir qaldyrý