Tarazdaǵy kópqabatty úıden shyqqan jarylys saldarynan, sońǵy derekter boıynsha, úsh adam qaza tapty, dep habarlaıdy Qamshy.kz aqparat agenttigi Jambyl oblysynyń polısıa departamentiniń baspasóz qyzmetine silteme jasap. 

Osyǵan deıin eki adamnyń - áıel adam men er adamnyń qaza tapqany habarlanǵan edi.  Birneshe saǵattan soń úıindi astynan úshinshi qurbannyń denesi tabyldy. Zardap shekken alty adam Taraz qalasynyń №1 aýrýhanasynda aýyr halde jatyr.

Eske salaıyq, bul oqıǵa búgin, 27 aqpanda tańǵy ýaqytta bolǵan. Naqtylanǵan málimetter boıynsha, 145 adam evakýasıalanǵan. Úsh páter búlingen. Sondaı-aq, sol úıdegi turǵyndardyń kóbi páterdi jaldap turǵany aıtylady.

«Shamamen saǵat 06.20-da 9-yqshamaýdanda jarylys saldarynan zardap shekkender jaıly málimet tústi. Barlyǵy alty adam zardap shekti, úsh adam oqıǵa ornynda qaza tapty. Úsh adam qalalyq №1 jáne №2 aýrýhanalarǵa, sondaı-aq, oblystyq balalar aýrýhanasyna jetkizilgen. Úsh adamǵa kómek kórsetilip, olar úıine jiberildi. Aýrýhanaǵa jatqyzylǵandar qajetti dári-dármektermen qamtamasyz etildi», - dep habarlady baspasóz qyzmetindegiler.

Sonymen qatar, №47 mektep bazasyna zardap shekkenderge medısınalyq jáne psıhologıalyq kómek kórsetý maqsatynda dárigerler men psıholog mamandarynyń kómegi kórsetilip jatqany aıtylady.

Usynǵan: Ásel Bolatqyzy