Ózbekstan prezıdenti Shavkat Mırzıeev Namanǵan oblysyna sapary barysynda korteji bazar mańynan ótip bara jatyp, aıaq asty toqtaıdy. «Eń bolmaǵanda prezıdenttiń kortejin kórip qalaıyq» degen bazar halqy áp sátte qýanyshqa bólene ketti. Olardy qýantqan – kóliginen shyqqan Shavkat Mırzıeevtiń ózi edi.

Prezıdent kóliginen shyqty da, halqymen bir amandasyp alyp, oblysqa baılanysty aldaǵy jobalardyń josparymen bólisti. Jańa sanatorıı, kásiporyndar, mektepter men jumys oryndarynyń salynatynyn aıtyp, namanǵandyqtardyń qýanyshyn eseleı tústi.

Al áleýmettik jelide halyqtyń kortejdi qalaı qarsy alǵandyǵy týraly túrli vıdeolar júktelip úlgerdi.

Ózbekstan prezıdenti memleket basshysy taǵyna otyrǵaly, túrli málimdemeler jasap, álemdi tańǵaldyrýda. El prezıdentteri aıtpaǵandy Mırzıeev aıtty. Máselen, ózi jaıly fılmder túsirýge, ánder jazýǵa, madaqtama jyrlar arnaýǵa qatań tyıym saldy. Al buıryqqa baǵynbaǵandar qatań jazalanatynyn eskertti. Bul – halyqty jaǵympazdyqtan aryltatyn birden bir ádis desek, el mádenıetin damytý úshin de úlken qadamdar jasady. Kıno salasyna kóp qarjy bóldi, toılardaǵy keleńsizdikterdi eskerdi. Sheneýnikterge toılarǵa barýǵa múldem tyıym saldy.

Usynǵan: Gúlim Jaqan