Shólińdi qandyrmaıdy bulaq bilim,
Álıhan – ashylmaǵan suraq búgin. 
Túıinniń toqsan túrli sheshýi bar,
Sen onyń tarqatasyń bir-aq jibin.

Gaýhardyń kóre alasyń bir-aq qyryn, 
Álıhan – nuryn tókken shýaqty kún.
Altyn kún jabylmaıdy alaqanmen,
Kóktemde dalany da jylatty kún.

Teńizdi tamshysynan degen bolsa, 
Álıhan – tereń teńiz kemeń barsa. 
Túbine tuńǵıyqtyń telmirip kór, 
Zertteýshi shyǵar eken senen qansha.

Kórpeden bult jamylyp, asqar qushqan,
Álıhan – zańǵar shyń ǵoı aq qar basqan.
Seńgirge qyran ǵana qanat qaǵar,
Qasqıyp kúnge qarap, aspanǵa ushqan.

Alashta Álıhandaı bar ma kisi,
Qazaqtyń armany men ar-namysy.
Erliktiń ólshemindeı jazǵan sózi,
Eldiktiń mólsherindeı qalǵan isi.

Amanat Alash joly bizderge syn, 
Kelemiz sol soqpaqpen iz qalǵasyn.
Alash pen Táýelsizdik – egiz uǵym,
Alashtan aldy azattyq óz jalǵasyn.

Álıhan – Alash uly, El kósemi, 
Halqynyń jol bastaǵan serkesi edi.
Ár qazaq júregine jerledi ony,
Artynda qalmaǵan soń tómpeshigi.

Qaıyrbek Kemeńger