«Qazaqstan» ulttyq arnasynan 31 naýryz kúni saǵat 21.35-te  «Ashyq áńgime» atty jańa jobanyń tusaýy kesiledi.  Betpe-bet formatyndaǵy dıalog - otandyq telenaryqtaǵy suranysqa ıe janrdyń biri. Atalǵan baǵyttaǵy telejobalar elimizdiń keıbir telearnalarynda kezdesedi. Alaıda «Ashyq áńgime» baǵdarlamasynyń basty erekshiligi - onyń júrgizýshisi men qoıylatyn suraqtarynda. Júrgizýshi -  Aıdos Sarym  qoǵam arasynda óziniń qyzyqty pikirlerimen, qundy usynystarymen, sapaly saraptamasymen tanymal tulǵa. Oǵan qosa, A.Sarymnyń ustanymymen otandyq qazaq tildi jáne orys tildi BAQ eseptesedi.

Stýdıa qonaqtary retinde Qazaqstannyń memlekettik organdarynyń jetekshileri, tanymal saıası qaıratkerler, zıaly qaýym ókilderi, jazýshylar, belgili ǵalymdar shaqyrylady. Áńgime barysynda qonaqtyń ótken ómirindegi is-áreketterine, qabyldaǵan sheshimderine, taǵaıyndalǵan qyzmetterine sholý jasalyp, búgingi qoǵamdyq problemalarǵa kózqarasy, máńgilik máselelerge pikiri, jeke ustanymy jóninde saýaldar qoıylady.

Baǵdarlama barysynda blıs-saýalnamadan, áleýmettik jelilerden alynǵan saýaldar qoıylyp, saıttardaǵy saýalnamanyń nátıjesi jóninde pikiri suralady. Baǵdarlama sońynda Sartr úlgisindegi jyldam qysqa saýaldarǵa  kezek beriledi. Suraqtar aıaqasty, tosyn bolady. Osy arqyly stýdıa qonaǵyn ár jaqty synap, túrli qyrynan ashý maqsat etilip otyr.

Baǵdarlama 30 ben 55 aralyǵyndaǵy saýatty, saıası habarlardan, el ishindegi tynys-tirshilikten habary bar kórermenderge arnalǵan. 31 naýryz kúni saǵat 21.35-te  «Qazaqstan» ulttyq arnasynan «Ashyq áńgimeni» tamashalaýdy umytpańyzdar!