Aqtaý qalasynda «Qazaqstannyń úzdik taýary – 2019» óńirlik kórme-baıqaýy ótti.Sharaǵa aımaqtaǵy 45kásiporyn qatysty. Onyń 20-sy kórmege ónimderin shyǵardy. Bıylǵy baıqaýda tanymal kásiporyndarmen qatar kásibin jańadan bastaǵantaýar óndirýshilerdiń de ónimderimen tanysýǵa múmkindik týdy.

Máselen, kókónisterdi jýyp, týrap, vakkým qaltalarǵa salyp saqtaý kásibi Aqtaýda alǵash ret ashylyp otyr. Kásipker Álıa Baıandıevanyń aıtýynsha, tyń bıznesti bastaǵanyna bir aı bolǵan. Qazirdiń ózinde iri saýda ortalyqtarymen kelisimshartqa otyrdy. Nemis tehnologıasy boıynsha kókónisterdi ashý, jý, týraý jumystary jasalady. Saqtalý merzimi 10 táýlik. Qolmen atqarylatyn sharýa joq. Jergilikti kókónister paıdalanylady. Qazaqstannyń ózge de qalalaryna jiberý josparlanǵan.Bul qarbalas kezde jyldam tamaq daıyndaýǵa óte qolaıly.

«Qazaqstannyń úzdik taýary»- ulttyq brend deńgeıine kóterilgen bedeldi shara.Baıqaýdyń negizgi maqsaty - qazaqstandyq naryqty otandyq joǵary sapaly ónimmen qamtý. Konkýrs jeńimpazdarynyń emblemasyn jarnamalyq maqsatta 4 jyl boıy paıdalanýǵa quqyly. 2015 jyldan bastap «Atameken» Ulttyq kásipkerler palatasy «Qazaqstannyń úzdik taýary» respýblıkalyq baıqaý-kórmesiniń uıymdastyrýshysy bolyp tabylady.

 - Mańǵystaý oblysy Qazaqstannyń eń qarqyndy damyp kele jatqan aımaǵynyń biri, Jalpy aımaqtyq ónim 661 321, mln tengeni quraıdy,  2018jylmen salystyrǵanda 0,3% ósti. 2019 jylǵa búdjetke kiris mólsheri 206,4 mlrd tengeni quraıdy.Qazirgi ýaqytta tirkelgen shaǵyn jáne orta bıznes sýbektileriniń sany 61 891 birlikti asady. Kásipkerlik sektorynyń nátıjeli jumysy oblystyń ekonomıkasynyń qarqyndy damýyna serpin berip keledi. Bizdiń ekonomıkamyz úshin udaıy ósý men tyń kásip túrin tabý mańyzdy. Ony júzege asyrý úshin Mańǵystaýda barlyq múmkindikter bar: kásipkerlik salasy belsendi damyp keledi, shaǵyn jáne orta bıznestiń sany artýda, turǵyndardyń kásip ashýǵa degen yntasy joǵary. Qazirgi kezde Eýrazıalyq ekonomıkalyq qaýymdastyǵy (EýrAzEQ) men Dúnıejúzilik saýda uıymy (DSU) aıasynda joǵary sapaly ári básekege qabiletti ónimderdi shyǵarýǵa erekshe nazar aýdarylyp otyr. Bizdiń kásipkerler ýaqytpen sanaspaı eńbek etip, tutynýshylardyń suranysyna saı, shama kelse bir adym alda júrýi qajet»,-deıdi sharaǵa qatysqan Mańǵystaý oblysy ákiminiń orynbasary Nurlybaı Aqqulov.

Esterińizge sala keteıik, marapat 2006 jyly tuńǵysh Prezıdent N.Á.Nazarbaevtyń otandyq ónimderdiń sapasyn jaqsartýǵa baǵyttalǵan, óndiristi joǵary sapaly jáne básekege qabiletti ónimmen qamtamasyz etýge, halyq arasynda sapaly ıdeıany keńinen taratýǵa baǵyttalǵan is-sharalardy kúsheıtý maqsatynda quryldy.

Baıqaý  «Óndiristik maqsattaǵy úzdik taýarlar», «Halyq tutynatyn úzdik taýarlar», «Úzdik azyq-túlik taýarlary» dep atalatyn úsh atalym boıynsha ótti.Saraptamalyq komısıa jeńimpazdardy anyqtady.

«Óndiristik maqsattaǵy úzdik taýarlar» atalymy boıynsha:"Kaskor Mashzavod" AQ, "Shynytalshyqty qubyrlar zaýyty" JSHS men «Kaspıı Tas jol» JSHS jeńimpaz atandy.

«Halyq tutynatyn úzdik taýarlar» atalymynda:«SENEK» JSHS, JK «Asem Andreı»,JK «BADO» top jardy.

«Úzdik azyq-túlik taýarlary» atalymy boıynsha:«Maga Bread» JSHS, ««Volna» Aqtaý kondıter fabrıkasy» JSHS, «TETIS» JSHS úzdik shyqty. 

Jeńimpazdarǵa arnaıy dıplomdar tabystaldy. Sharaǵa oblys turǵyndary men qonaqtary qatysyp, jergilikti kásipkerler usynǵan otandyq ónimderdiń kórmesin tamashalady.

Jeńimpazdardyń biri JK «Asem Andreı» jetekshisi Ásem Ótepova. Onyń tigin kásibimen aınalysqanyna 2 jyl. Negizgi baǵytym- ulttyq kıimderdi zamanaýı stılmen qabystyrý. Jastardyń talǵamyna saı, suranysty joǵary sapamen tigip kelemiz. Budan bólek qyz jasaýy, besik jabdyqtary, kez-kelgen buıymdy ulttyq naqyshtarmen baılanystyryp jasap shyǵarýmen erekshelenip turamyz,-deıdi sheber.

- Taýar ónimdiligi, sapasy, jyldyq tabys kózi, jumysshylaryn áleýmettik qoldaý syndy birneshe talaptarǵa saı kelgen 9 kásiporyn jeńimpaz ataldy. Olar Nur-Sultan qalasynda el Prezıdentiniń qolynan júlde alatyn úlken dodaǵa qatysady. Qazaqstan boıynsha teńdessiz brend ekenin dáleldeýge múmkindik beriledi,- deıdi MO Kásipkerler palatasynyń dırektory Nurbek Qarasaev.

Jeńiske jetken kásiporyndarMańǵystaý oblysy atynan «Qazaqstannyń úzdik taýary» respýblıkalyq baıqaýyna jáne «Qazaqstanda jasalǵan» kórmesine qatysatyn bolady.

Shara sońynda oblystyń úzdik qurylysshylary QR ındýstrıa jáne ınfraqurylymdyq damý mınıstri Roman Sklár atynan medaldar, Alǵys hattarmen marapattaldy.