Bıylǵy jyldyń 30-naýryz ben 4-sáýir aralyǵynda Oral qalasynda Tımýr Kýlıbaevtyń júldesi úshin bokstan halyqaralyq týrnır ótti. Jarysqa Reseıden basym bóligi daǵystandyq jigitterden turatyn sportshylar keldi. Básekede Reseı quramasyndaǵy Soslan Asbarov kúmis júlde jeńip alady. Kesh bata utyp alǵan medalin “jýmaq” bolǵan Soslan dostaryn ertip “Oskar” túngi klýbyna baryp toılaıdy. Jeńistiń býymen masaıraǵan taý halqynyń jigitteri jergilikti qazaq jigitterine unamaıtyn qylyqtar kórsetedi. Shyn mánisinde, túngi klýbta utyp alǵan medalin jýyp, masaırap, urynarǵa qara tappaı, qazaq qyzdaryna til tıgizip, qutyrǵan “jigitti” qazaqtyq namysyn qorǵap, sabasyna túsirgen Rýslan BAHYTOV degen qazaqtyń batyr jigiti edi.

Judyryq jep eseńgirep aýrýhanaǵa túsken daǵystandyqtar aryzdanyp, kóp uzamaı Rýslan qapasqa qamaldy. Qorǵaýshylardyń aıtýynsha, Rýslan bul is boıynsha kóp jylǵa sottalyp ketýi ábden múmkin. Sebebi daǵystandyqtar: “Rýslan BAHYTOVty túrmede shiritemiz!” – dep, qoldarynan kelgenderiniń bárin istep, tyrashtanyp jatyr eken.

Bizdiń zertteýimizshe janjaldyń shyǵýyna “qonaqtardyń” ózderi túrtki bolǵan. Tóbelesti kózi kórgenderdiń aıtýynsha reseılik boksshyǵa eshkim jabylmaǵan. Qonaqtardyń tym erkinsip, artyq ketip bara jatqanyn kórgen jergilikti jigitter olarǵa birneshe márte eskertý jasapty. Sóıtip, namysshyl qazaq jigiti Rýslan BAHYTOV jazataıym jazyqty bolyp qaldy.

Rýslan BAHYTOV – 1974 jyly Qaratóbe eldi-mekeninde dúnıege kelgen qazaqtyń qarapaıym balasy. Jastaı áke-sheshesinen erte aıyrylyp, kishkentaıynan ájesiniń qolynda tárbıelengen. Ol qazirgi zamannyń qas batyry, ultyn súıgen ulany. Oralbek pen Dımash atty uldary, Dınara atty jary bar.

Rýslan - “Qazaq eli” Halyqtyq qozǵalysynyń belsendi múshesi.

Biz «el bolamyz» desek, óz elimizdi ózgege syılatamyz desek, Rýslan BAHYTOVtyń taǵdyrynan qalys qalmaýǵa tıispiz. Óıtkeni, «Ár qazaq – meniń jalǵyzym!» – dep jyrlaǵan adýyndy aqyn Sabyr ADAI aıtpaqshy, árbir qazaqtyń taǵdyrynan – kúlli qazaqtyń taǵdyry quralady.

Tómende Rýslan BAHYTOVtyń túrmede jazǵan janaıqaı óleńderin nazarlaryńyzǵa usynyp otyrmyz. Pikir qosyńyz, kómek sózińizdi aıtyńyz, járdem qolyńyzdy sozyńyz, qazaq balasyn qorǵańyz, aǵaıyn!

Qajymuqan ǴABDOLLA,

“Qazaq eli” Halyqtyq qozǵalysynyń tóraǵasy

Ia, Alla!

Ómirimniń kóbi ketip, azy qaldy...

Oılap edim «qysy ketip, jazy qaldy».

Kenetten kezdesip qap bir daǵystan,

Bir soqqy jep, arsyz aryz jazyp saldy...

«Lezgın» bılep, qarý atyp, toı toılaǵan,

Taý halqyn shyn namysty dep oılaǵam,

Namys joq, júrek te joq, qur keýde eken,

Kóbeıse, jalǵyz jandy tek qoımaǵan.

Kúshti syılap, batylǵa bas ıedi eken,

«Kúnám joq» dep, óp-ótirik kúıedi eken.

Abaısyzda qolyna bılik tıse,

Qarap júrgen adamǵa tıedi eken.

Aldymnan bir top sheshen shyǵa keldi,

Buryn sońdy kórmegen-aý mendeı Erdi,

Amal joq, aýyzdyqtap, jynyn bastym,

Namysyma úshkir tilin tyǵa berdi...

Ne isteımin tentektikti ózi bastady,

Tentekti emes, erkekti jaýyp tastady,

Bizdiń eldiń zańdary «qyzyq» eken,

Tártipsizdi aqtady áýel bastaǵy...

Ózi bastap, jábir kórgen bola qaldy,

Joq jerden «aıǵaqtary» tola qaldy,

Aıtaqqa barlyq kúshin qosyp jatyr,

Bizdiń jaq «syılaýymen» qonaqtardy...

...Osylaı ómir shirkin ótip jatyr,

Bireý kelip, bireýler ketip jatyr.

Osydan Qudaı qalap, aman shyqsam,

Bárin qoıam, – «s mená» jetip jatyr.

Aıaǵyma las jer bastyrmaımyn,

Otbasymdy qınaltyp, sastyrmaımyn.

Ádildiktiń aýyly alys eken,

Búgin men torǵa túsken qasqyrdaımyn.

Torǵa túsken arlandaı yryldaımyn,

Tunshyǵyp aýa jetpeı, qyryldaımyn,

«Áke!» degen balalarym eske tússe,

Torǵa túsken torǵaıdaı shyryldaımyn.

Ia, Táńirim sabyrlyq, qýat bergeı!

Otbasyma nur tógip, shýaq bergeı!

Ia, Alla bar páleden óziń saqta,

Duǵam men tilegime jaýap bergeı!

Áýmın!

O, Dınara, altynym!

O, Dınara, altynym, Qudaı qosqan!

Kún saıyn jolǵa qarap, meni tosqan...

Janym da sen, Kúnim de, Gúlim de sen!

Bir adam joq men úshin Senen asqan!

Seni oılasam, júregim sál toqtaıdy,

Sensiz Janym, júregim dál soqpaıdy.

Sátterińdi qınalǵan janym sezip,

Men janymdy qoıarǵa jer tappaımyn...

Óziń ediń júregimniń syńary,

Óziń ediń kózderimniń shynary,

Oıda joqta ózderińnen alystap,

Júrek sorly kúni-túni jylady.

Bek bol, Janym, bedeliń qulamasyn!

KónemizdeRabbymyzsynaǵasyn...

Qudaıymúmitińditaýyspasyn,

Baqytkelerqınalyp-jylaǵansoń...

Keshir Janym, alańsyz qyla almadym...

«Baqytty qylamyn» dep jıi «aldadym»,

Aldaıyn dep aldaǵan emespin men,

Bilmeımin namyssyzben sıa almadym.

Bilesiń ǵoı, dushpanym júrgizbedi,

Qaqpan qurdy, jadyratyp kúlgizbedi...

Kóligimdi órtetip aıtaǵyna,

Sanaýly boldy solaı kún tizbegi...

Bir Alla Seni meniń erkem etti,

Dál ózimdeı Seni kim erkeletti...

Ákeń de joq men joqta erkeleter,

Átteń-aı, ol da ómirden erte ketti...

Ákemiz altyn júrek adam edi,

Aǵaıynǵa aq nıet, adal edi...

Senderdi ýaıym ǵyp, shydaı almaı,

Kenetten júrek toqtap qala berdi...

«Shúkir» deımin, qasyńda Anań qaldy,

Sonda da júregimde alań bar-dy.

O, Janym, Qudaı saǵan ómir bersin,

Qolyńda eki birdeı balam qaldy...

Altynym, uldarymdy jylatpashy,

Esh nárse jalyndyryp, suratpashy,

Áke bastap, biz qurǵan shańyraqty

Shamań kelse, altynym, qulatpashy!

Qashanda jylýymdy beremin ǵoı,

Aman bolsam, bir kúni kelemin ǵoı,

Altynym, Sen degende janym qurban,

Kerek bolsa, Sen úshin ólemin ǵoı!

Ózińmen ómirimniń sáni bolsyn!

Esimiń júregimniń áni bolsyn!