Áýlıeata óńiri týrısik áleýeti zor aımaq. Oblysymyzdyń tarıhı-mádenı oryndarymen qatar, tartymdy tabıǵatymyzdy álemge tanyta bilsek, bul biz úshin aıtarlyqtaı tabys ákeletini sózsiz. Osy turǵyda oblys ákimdiginiń týrızm basqarmasy tarapynan qolǵa alynǵan sharýalar az emes. Sonyń biri – ekologıalyq týrızmdi damytý.

Ekotýrızmdi damytý arqyly ekonomıkalyq ahýaldy arttyrýǵa baǵyttalǵan jumys jospary negizinde atalǵan basqarmanyń bastamasymen jaqynda Jýaly aýdanynda ekotýrısterdi qabyldaý maqsatynda qonaqjaılar ashý jóninde oqytý trenıńi ótkizildi. «Qazaqstannyń týrısik Qaýymdastyǵymen» birlese ótkizilgen is-shara maqsaty – halyqaralyq naryqta Qazaqstannyń týrısik klasterin, sonymen qatar, «Community Based Tourism (CBT)», eko jáne agrotýrızmdi damytý.

Jýaly aýdandyqyndaǵy mádenıet úıinde ótken jıynda shaǵyn jáne orta bıznespen aınalysatyn kásipkerlerge ekotýrısterdi qabyldaý men qonaqjaılar ashýdyń mańyzdylyǵy jáne qonaq-úı qyzmetiniń tabys qupıasy túsindirildi. Germanıadaǵy aýyldyq týrızm boıynsha oqytý týrynyń qatysýshysy, «Travelife» eýropalyq turaqty damý týrızm jelisiniń múshesi Ksenıa Shevsova jáne Qazaqstan týrısik qaýymdastyǵynyń ekotýrızm aqparattyq resýrstyq ortalyǵynyń úılestirýshisi, Ortalyq Azıa óńirlerinde aýyl týrızmin damytý jónindegi EO jobasynyń menedjeri, aýyl týrızminiń ádisnamasy boıynsha jattyqtyrýshy Alına Daýletbakova qatysýshylarǵa dáris oqydy.«Prestarted», «Basic», «Advanced» deńgeıleri boıynsha júrgizilgen oqytý trenıńine Jýaly aýdanynan 20 kásipker qatysty.

Semınarda, týrıske joǵary dárejede qyzmet kórsetýdiń ozyq úlgileri, astandyrý jáne as mázirin ázirleý syndy basty máseleler qamtyldy. Qonaq úı bıznesiniń tabysy men tıimdiligi basa kórsetildi.

Munan soń týrızm basqarmasynyń basshysy Qarlyǵash Aralbekova qatysýshylardy oblystaǵy teńdessiz joba: «Qaralma taý-shańǵy bazasynyń» qurylymymen tanystyrdy. Jylyna 40 myńnan asa týrıserdi qabyldaýǵa qaýqarly jobanyń týrısik salada bolashaǵy zor. Sondyqtan da osyndaı týrısik keshenderdiń týrıser aǵymyna qyzmet kórsetetin oryn retinde mańyzdylyǵy joǵary. Basqarma basshysy osy tusta kásipkerlerdi birige jumys isteýge shaqyrdy.

Qazirgi tańda Jýaly aýdanynda qaýymdastyqtarǵa negizdelgen aýyldyq týrızmdi damytý boıynsha barlyq alǵysharttar jasalǵan. Óıtkeni, aýdannyń ekologıalyq jaǵdaıy men tabıǵaty bul baǵytta jumys jumys júrgizýge óte qolaıly.