Búginde tutas Jambyl oblysy aýdandarynyń, túpkir-túpkirdegi eldi mekenderdiń orta býyndy aýyl sharýashylyq mamandaryna suranysyn ótep kele jatqan Qulan aýylsharýashylyǵy kolejiniń ǵasyrǵa jýyq tarıhy bar. Tipti bul oqý ornynyń alǵashynda elimizdiń tuńǵysh astanasy bolǵan Orynborda qurylyp keıinnen Almatyǵa odan Tarazǵa eń aqyrynda Qulan kóshirilgenine de tarıh kýá, dep jazady Qamshy.kz aqparat agenttigi. 

Jambyl oblysy qurylǵan shaqta óńirde bolǵan 3 arnaýly orta bilim berý oshaǵynyń biri sanalǵan Qulan aýyl sharýashylyǵynyń irgetasy 1923 jyly Orynbor qalasynda qalandy. Qazaq ASSR-nyń Halyq komısarlar Keńesiniń jarlyǵymen ólkelik veterınarlyq jáne zootehnıkalyq teh-nıkýmy bolyp ashylǵan oqý orny kóp uzamaı Almaty qalasyna kóshiriledi. Munda ol Almaty veterınarlyq jer qatynastary tehnıkýmy bolyp atalǵan. Almatyda uzaq ýaqyt taban tireı almaǵan tehnıkým 1930 jyly sol kezdegi Áýlıeata (qazirgi Taraz) qalasyna qonys aýdarady. Osynda 33 jylǵa jýyq óńirge qajetti orta býyndy aýyl sharýashylyq mamandaryn daıarlaǵan oqý ordasynda qazaqtyń kórnekti memleket jáne qoǵam qaıratkelerimen birge kúlli álemge tanymal Shyńǵys Aıtmatov ta bilim alǵan.

Al 1963 jyly bul oqý orny qazirgi Qulan aýylyna aýystyryldy. Munda da ol Jambyl zzotehnıkalyq veterınarlyq tehnıkýmy retinde bilikti aýyl sharýashylyǵy mamandaryn ázirleýdegi mártebeli mısıasyn abyroımen atqara bildi. 1995 jyly eldegi qoǵamdyq-saıası ómirindegi ózgeriske saı tehnıkým ataýyn Qulan aýylsharýashylyǵy koleji bolyp ataýyn ózgerdi. Búgingi kúnge deıin kolej «Mektepke deıingi bilim berý jáne tárbıeleý», «Kásiptik bilim berý», «Quqyqtaný», «Esep jáne aýdıt», «Agronomıa», «Fermer sharýashylyǵy», «Zootehnıka» jáne «Mal dárigerligi» sekildi mamandyqtar boıynsha arnaýly orta bilimi bar mamandardy daıarlap keldi. «Nátıjeli jumyspen qamtýdy jáne jappaı kásipkerlikti damytýdyń 2017-2021 jyldarǵa arnalǵan «Eńbek» memlekettik baǵdarlamasy negizinde munda «Veterınarıa», «Agronomıa», «Dánekerleý isi», «Aspazshy», «Aqparattyq júıeler» syndy mamandyqtar da oqytylýda.

Jańa oqý jylynan bastap kolejde «Sút ónimderiniń óndirisi», «Et jáne et ónimderiniń óndirisi», «Orman sharýashylyǵy, baq-saıabaq jáne landshaf qurylysy» sıaqty jańa mamandyqtar ashyldy.

Ótken jyly kolej oblys ákimi Asqar Myrzahmetov bul kolejdi oblystaǵy aýylsharýashylyq mamandaryn daıarlaıtyn bazalyq kolejge aınaldyrý týraly sheshim qabyldady.