Veterınarıa salasynyń negizgi qyzmeti – asa qaýipti juqpaly aýrýlardyń aldyn alý, aýrýlardy dıagnostıkalaý, maldan alynatyn tamaq ónimderi men shıkizattardyń adam ómirine qaýipsizdigin qamtamasyz etý. Bul rette, Jambyl oblysynda joǵaryda atalǵan sharalardy júzege asyrý maqsatynda josparlanǵan is-sharalar tolyǵymen atqarylýda.

Óńirde veterınarıalyq is-sharalardy 160 veterınarıalyq pýnkteri bar 11 komýnaldyq memlekettik kásiporyndar atqarsa, bul mekemelerde arnaıy orta jáne joǵarǵy bilimdi 887 veterınar mamandar jumys jasaýda.

2019 jyly epızootıalyq is-sharalardy júrgizýge respýblıkalyq búdjetten 1,5 mlrd. teńge sýbvensıa bekitilip, tikeleı aýdandyq búdjettke berilgen. Bul ótken jylǵy deńgeıden 13,3 paıyzǵa artyq bolyp otyr. Aıta ketý kerek, 2018 jyly atalǵan maqsatqa 1,3 mlrd. teńge bólingen bolatyn.

Oblysta janýarlardyń asa qaýipti aýrýlaryna qarsy vaksınasıa jáne alergıalyq zertteýler júrgizý isi de kenje qalyp jatqan joq. Bul rette atalǵan zertteýdiń 13 aýrý túri boıynsha, dıagnostıkalyq zertteýlerdiń 23 aýrý túri boıynsha josparly epızootıaǵa qarsy is-sharalar júrgiziledi. İs-sharalardyń barlyǵy is-sharalar josparyna sáıkes júrgizilýde.

Qajetti barlyq veterınarıalyq preparattar alynyp, aýdandardaǵy ýaqytsha saqtaý oryndaryna jetkizildi. Aýdandardaǵy veterınarıalyq kásiporyndarda preparattardy ýaqytsha saqtaıtyn qoımalar bar. Olar veterınarıalyq talaptarǵa sáıkes keledi. Aýyldyq okrýgterde veterınarıalyq preparattar tońazytqyshtarda saqtalady. Aýdan ortalyǵynan aýyldyq okrýgterge vaksınalar termochemodandarmen tasymaldanady.

Dıagnostıkalyq zertteýlerge júrgizilgen taldaý boıynsha maldar arasynda sozylmaly brýselez aýrýyna shaldyǵý jyldan jylǵa tómendeýde. 2010-2019 jyldar aralyǵynda İQM brýselez aýrýy 86 paıyzǵa azaıǵan. Ýaq maldarda brýselez aýrýy – 17 paıyzǵa tómendegen.

Sondaı-aq, oblys boıynsha adamdardyń brýselez aýrýyna shaldyǵýy 2010 jylmen salystyrǵanda 255 adamǵa kemigen.

Brýselezge shaldyqqan aýyl sharýashylyǵy janýarlary der kezinde oqshaýlanyp, veterınarıalyq talaptarǵa sáıkes ýaqytyly sanıtarlyq soıýǵa jiberilip, memlekettik veterınarıalyq dárigerdiń qadaǵalaýymen óńdeý oryndaryna jiberilýde.