Almaty qalalyq Josparlaý jáne ýrbanıstıka basqarmasynyń basshysy Almasqan Ahmetjanov teleortalyq – aparattyq stýdıa keshenin (ASK-2 ) qaıta qalpyna keltirý jumystary týraly aıtyp berdi.

«Negizi ǵımarat kelbeti aıtarlyqtaı ózgergen joq. Tek áınektiń túsi sál qońyrlaý bolyp shyqty. Qazir áınek jyltyrap tur, kúnge shaǵylysqan kezde kózge áser etedi. Men bul ǵımaratty jaqsy bilemin. Onyń qalaı salynǵanyn, qalaı paıdalanýǵa berilgenin, qalaı jumys isteıtinin bárin jaqsy bilemin. Eger bul ǵımarat qoǵam úshin ashyq bolatyn bolsa, shynymen de jaqsy bolar edi», - deıdi basqarma basshysy Almasqan Ahmetjanov.

Onyń aıtýynsha, qaıta qalpyna keltirý jumystarynan keıin de, sáýlet elementteri ózgergen joq jáne arhıtektýralyq syzba boıynsha ǵımarattyń qasbeti burynǵydaı qalpyna keltirildi. Onyń beınesi, stıli tipti ólshemderiniń pishini de bastapqy túrinde saqtalǵan. Bul joba osy ǵımarattyń avtorymen birge jasaldy.

«Búgingi kúni aparattyq stýdıa kesheni (ASK-2 ) jobaǵa sáıkes, bastapqy qalpyna keltirildi. Biz 100 paıyz arhıtektýralyq qurylymdy saqtadyq», - dep tolyqtyrdy A. Ahmetjanov.

«Teleortalyq» Tımırázev jáne Jeltoqsan kósheleriniń qıylysynda ornalasqan. Bul - Almaty úshin biregeı nysan. Televızıa úshin aparattyq stýdıa keshenin salý týraly sheshim 1970 jyly qabyldanǵan bolatyn.