Biz júıeniń ákimshisi retinde, jumys berýshilerge usyna alamyz. Bul týraly B. Końyrbaev Coursera.org saıtynda almatylyqtardy oqytý jaıly kórsetilgen.

Búgingi tańda barlyq prosesterdiń onlaın rejımine aýysýyna baılanysty Almatyda bilikti IT-mamandardyń jetispeýshiligi baıqalady. Osyǵan baılanysty keshendi jumystar júrgizilýde. Jalpy sıfrlyq ekonomıkada kadrlardy mańyzdy daǵdylarǵa úıretý, daıarlaý úshin túrli baǵdarlamalar júzege asyrylýda. Olardyń ishindegi jańa joba — coursera.org bilim berý platformasy. Ol sonymen qatar, Almaty qalasy Jumyspen qamtý ortalyǵymen yntymaqtastyqta jumys jasaıtyn bolady.

Bul týraly Sıfrlandyrý basqarmasynyń basshysy Baıan Qońyrbaev óńirlik komýnıkasıalar qyzmetinde ótken brıfıń barysynda málimdedi.

«Coursera.org bilim berý platformasy-kýrstan ótýge ǵana nemese qaıta mamandanýǵa múmkindik berip qana qoımaı, ári qaraı jumysqa ornalastyrýǵa baǵyttalǵan. Soursera bul – jumys berýshi men qyzmetker arasyndaǵy jańa komýnıkasıalyq keńistik. Basty ıdeıasy – oqýǵa qyzyǵýshylyq tanytqandardyń bilim alýyna jaǵdaı jasaý bolyp tabylady. Barlyq 5 myń bilim alýshyny jumyspen qamtýǵa kepildik bere almaımyz, biraq eń belsendileri basymdyqqa ıe bolady. Biz, júıeniń ákimshisi retinde, olardy qadaǵalap, jumys berýshilerge usyna alamyz. Búgingi tańda IT mamandyǵy eń úlken suranysqa ıe. Biz qala retinde olardyń ári qaraı damýyna múmkindik beretinimizge qýanyshtymyz», — dedi spıker.

Ol barlyq almatylyqtardy IT-tehnologıa baǵyty týraly esten shyǵarmaı, kún saıyn izdenýge shaqyrdy. Sonymen qatar Baıan Qońyrbaev kez-kelgen IT maman óz ıdeıasy jáne usynysy bar ótinishti digital-almaty.kz saıtyna qaldyra alatyndyǵyn aıtty.