Mıanmadaǵy prezıdenttik saılaýda Aýn San Sý jeńedi dep kútilýde. Onyń myńdaǵan  jaqtasy qolyna tý ustap Aýn San Sý-diń shtab-páteriniń janynda jınaldy. 2011 jyly ótken prezıdenttik saılaýda Aýn San Sý jeńgen bolatyn. Nobel syılyǵynyń ıegeri Aýn San Sý tanymaldylyǵyna qaramastan 2017 jyly Rohındja musylmandaryna qatysty shýdan keıin álem aldyndaǵy bedeli túsken.  

Baqylaýshylar saılaýdyń ádil ótip jatqanyna kúmándanady. Sebebi Rohındja musylmandary daýys berý quqyǵynan aıyrylǵan.

Koronavırýsqa baılanysty egde jastaǵylarǵa ótken aptada arnaıy daýys berý ýaqyty belgilengen. Opozısıalyq partıa ókilderi pandemıaǵa baılanysty prezıdenttik saılaýdy keıingi shegerýdi talap etip otyr. Alaıda Aýn San Sý pezıdenttik saılaý koronavırýstan da mańyzdy ekenin aıtady.

Rohındja musylmandary nelikten daýys bere almaıdy?

Daýys berý Mıanma ýaqyty boıynsha saǵat 06.00-de bastalyp, 00.00-de jabyldy. Alaıda, adamdar áli de daýys berý úshin uzyn kezekte tur. Mıanma halqynyń az ǵana bóligin quraıtyn Rohındja musylmandarynyń qujattary 2015 jyly kúshin joıǵan. Mıanma armıasynyń qýdalaýynan keıin  740 000 Rohındja musylmany kórshi elderge qashýǵa májbúr bolǵan. Maılaızıa bıligi koronavırýs pandemıasyna baılanysty Rohındja bosqyndaryn qabyldaýdan bas tartty.

Qyrkúıekte BUU-nyń adam quqyǵy jónindegi tergeýshisi musylman azamattardy daýys berý quqyǵynan aıyrǵannan keıin Mıanmadaǵy prezıdent saılaýynyń ádiletti ótýi múmkin emes ekenin aıtady. Rohındja musylmandary álemdegi qýdalaýǵa eń kóp ushyraǵan halyq dep tanyldy.

Mıanma bıligi Rohındja musylmandaryn Bangladeshten kelgen bosqyn dep tanyp olarǵa azamattyq berýden bas tartty.

BUU-y soty bıyl qańtarda rohındjalyqtardy genosıdten qorǵaý týraly úkim shyǵardy. Aýn San Sý ony genosıd dep tanýdan bas tartty.