"Bilekke sengen zamanda eshkimge ese bermedik, bilimge sengen zamanda qapy qalyp júrmelik". Bul Abylaı hannan qalǵan ósıet. Aq naızanyń ushy, aq bilektiń kúshimen elin qorǵap, ulanǵaıyr atyrapty mıras etip qaldyrǵan babalar kúshtiń emes, bilim zamanynyń keletindigin boljaǵany. Óskeleń urpaqta osy bir naqyldy boıyna sińirip, jahandanǵan 21 ǵasyrda eshkimge ese bermeýge talpynýda.

Osy maqsatta Almaty qalasy, fızıka-matematıka baǵytyndaǵy Nazarbaev Zıatkerlik mektebiniń oqýshylary Amanmyrza Júsiphan men Abjanov Alıhannyń IT salasyndaǵy avtorlyq jańa jobalary abai.online kópshilikke jol tartty. Bul platforma arqyly oqýshylarymyz elimizdiń jarqyn bolashaǵy tikeleı baılanysty IT salasyndaǵy mamandardyń jetispeýshilik máselelerin sheshpek nıette. Veb-saıttyń nysandaǵy aýdıtorıasy elimizdiń IT salasyna qyzyǵýshylyǵy bar jastary. Eń bastysy osy salaǵa qulshynysty kez-kelgen jan abai.online qaýymdastyǵyna múshe bola alady. Joba avtorlary Qazaqstannyń túpkir-túpkirinen IT salasyna qyzyǵýshy múddeles jastardyń basyn qosyp, qarqyndy jumys jasap, álemdik arenadaǵy aqparattyq tehnologıalyq básekede elimizdi aldyńǵy qatarly memleketter kórinetinine senimdi.

Ab.ai - programmalaýdy tálimgerlik oqytýǵa arnalǵan Qazaqstandaǵy eń aýqymdy platforma. Bul joba elimizdiń túkpir-túkpirindegi IT aıasynda júrgen muǵalimder men oqýshylardy baılanystyrady.

Ab.ai múddeles adamdar qaýymdastyǵyn qura otyryp, bolashaǵy jarqyn mamandyqty dáripteýdi kózdeıdi. Munyń arqasynda Qazaqstan álemdik arenada aqparattyq tehnologıalar salasynan alǵashqy sanattarǵa iligedi dep kámil senemiz.

Bastysy - kez kelgen adam tegin túrde tálimgerdiń nemese oqýshynyń jolyn tańdap, bul qaýymdastyqtyń múshesi bola alady.

Zıatkerlerimizge sáttilik tilep, barshyńyzdy osy jobaǵa atsalysýǵa shaqyramyz.

Tolyq aqparat:
☎️+ 7 (777) 472 - 88 - 69
+ 7 (705) 279 - 10 - 00
? abai.connect@gmail.com

@amantobonis
@alikhan.abzhanov