Qazaqstandaǵy gúl salondary «Bilim kúnine» qarsy satyp alýshylardyń úlken aǵymyna daıyndalýda. Bul týraly "Qamshy" portaly Today.kz -ke silteme jasaı otyryp habarlaıdy. 

Astanada Bilim kúni qarsańynda eń ótimdi gúlder baqytgúli (hrızantema) men gladıolýstar. Bir gúl shoǵyrynyń ortasha quny 2 000-2 500 teńge.

"Ata-analar men onyń balalary gúlderdi 1- qyrkúıek qarsańynda ala bastaıdy. Negizinen hrızontemalar alady. Óıtkeni, olar  ózge gúlderge qaraǵanda uzaq saqtalady. Al, gladıolýstar-Bilim kúniniń dástúrli gúlderi ", - deıdi gúl salonynyń satýshysy Mıra.

Almatyda satýshylardyń aıtýynsha eń ótimdi taýar – aqgúl (lılıalar) men baqytgúli (hrızantemalar). 1 500 teńgege úsh gúlden bir shoǵyr jasaýǵa bolady. Teńge baǵamyna baılanysty Almatynyń gúl salondarynda baǵa kóterilgen.

"Gúl baǵasy ósti. Biz olardy Golandıadan, Kolýmbıadan, Ekvadordan alamyz, al ol jaqta saýda- dollarmen. Bir raýshannyń quny -kóterme saýdada 500 teńge, biz oǵan 200-300 teńge qosamyz. Sonymen qymbatyraq bolady. Onyń ústine, rásimdeý qyzmeti taǵy bar. Keıingi kezde satyp alýshylar jergilikti raýshandardy jaqsy alady, olar kishirek bir danasy 250 teńge turady", - deıdi gúlsatýshy Iýlıa.

Gúl baǵasy Shymkentte de ósken. Satýshylardyń aıtýynsha, eń tanymal gúl qataryndaǵy hrızantemanyń búdjettik quny 500 teńge bolsa- Bilim kúni olar 700-800 teńgege ósedi.

Pavlodarda da jańa baǵa boıynsha gúlderdiń alǵashqy legi keldi. Gúl satýshylardyń sózinshe, jańa taýar 30 paıyzǵa ósken. Ortasha, bir gúl shoǵyrynyń quny 1500-den 2 500 teńgege deıin.

Qaraǵandylyqtar bolsa, gúl baǵasy  sol kúıde qalatynyn aıtady. Satyp alýshylar jaqsy gúl shoǵyryn 1 500-2 000 myńǵa ala alady. Qaraǵandylyqtar jıi alatyn gúlder baqyt gúli ( hrızantema ) men gladıolýstar.