Elordada QR Konstıtýsıasynyń 19 jyldyǵyna oraı 50-den astam shara uıymdastyryldy. Bul týraly "Qamshy" Skifnews.kz - ke silteme jasaı otyryp habarlaıdy.

Astana ákimdigi resmı saıty málimdegendeı, 28 tamyzda «Dýman» qonaq úıinde «Konstıtýsıa  qoǵam men memlekettiń damýynyń strategıalyq negizi» taqyrybynda ǵylymı-praktıkalyq konferensıa ótti. 29 tamyzda Beıbitshilik jáne Kelisim saraıynda memlekettik merekege arnalǵan saltanatty jınalys pen konsert uıymdastyryldy. 30 tamyzda Ortalyq alańda qala turǵyndary men qonaqtaryna arnalǵan merekelik konsert qoıylady.

Elordalyq bilim mekemeleri, murajaılar men kitaphanalarda da merekelik is-sharalar, atap aıtqanda, ekskýrsıalar, dóńgelek ústelder, taqyryptyq keshter uıymdastyrylady.

Qalalyq balalar kitaphanalary kishkentaı astanalyqtarǵa arnalǵan tanymdyq taqyryptyq keshter ótkizedi. Ekspozısıalarda Ata zańymyzdan úzindiler keltirilgen, sondaı-aq, elimizdiń memlekettik nyshandary týraly jazylǵan ılústrasıalanǵan jýrnaldar qoıylady.

Elordada tamyz aıynda QR Konstıtýsıasynyń 19 jyldyǵyn atap ótý aıasynda halyqtyń áleýmettik qorǵalmaǵan toptaryna baǵyttalǵan áleýmettik mańyzdy is-sharalar ótkiziledi. Zeınetkerlerge 3 myń teńge kóleminde bir rettik aqshalaı kómek kórsetiledi. Qarttar men múgedekterge arnalǵan medısınalyq mekemede «Naz» bı teatrynyń qaıyrymdylyq konserti ótedi. 29-30 tamyzda saýda ortalyqtarynda merekelik jeńildikter jasalady. Konstıtýsıa kúni kámeletke tolǵan elordalyqtardyń da jadynda qalmaq. Dástúr boıynsha olarǵa saltanatty jaǵdaıda Qazaqstan azamatynyń jeke kýáligi tabystalady.

Mereke kúnderi elorda turǵyndary men qonaqtary úshin jastar aksıalary men flesh-mobtar, balalar arasynda asfáltqa sýret salý baıqaýlary men sporttyq sharalar, jarystar uıymdastyrylady. QR Konstıtýsıa kúnine arnalǵan sharalar Mıchýrıno, Zarechnyı, Ilınka, Kóktal turǵyn alabtarynda da ótedi.