Mańǵystaý oblysynyń ekologıa departamenti Aqtaý qalasynyń irgesinde júk kóligi men munaı tasymaldaıtyn teplovozdyń soqtyǵysýy saldarynan oryn alǵan alapat órt pen tabıǵatqa kelgen shyǵyn kólemin anyqtady, - dep habarlaıdy Baq.kz aqparattyq qyzmeti.Mamandar esebinshe keltirilgen zalal 120 mıllıon teńgeni quraıdy eken. Aıyppul retinde óndiriletin bul qarjyny «Emır Oıl» kompanıasy tóleýge mindetti. Esterińizge sala keteıik, apatty jaǵdaı 16 qarasha kúni oryn alyp, munaı tógilýi saldarynan 3 480 sharshy metr jerdi jalyn sharpyǵan edi. Ókinishke qaraı, teplovoz mashınısiniń kómekshisi oqıǵa ornynda qaza taýyp, mashınıst pen júk kóliginiń júrgizýshisi aman qalǵan. Búginde apatty jaıtqa júk kóliginiń júrgizýshisi aıypty degen kúdikpen is qozǵalǵan. Al aman qalǵan teplovoz mashınısti Berik Qulbaraqovtyń ózi aýrýhana tóseginde jatýyna baılanysty, onyń ákesine Táýelsizdik kúni qarsańynda «Qazaqstan temir joly» UK» AQ prezıdenti Asqar Mamın «Qurmetti temirjolshy» ataǵyn tapsyrǵan bolatyn.