Búgin, 2 qyrkúıek kúni Shymkent qalasynda QR Prezıdenti Q.Toqaevtyń «Halyq birligi jáne júıeli reformalar – el órkendeýiniń berik negizi» atty Qazaqstan halqyna Joldaýynyń negizgi qaǵıdalaryn júzege asyrý máselelerine arnalǵan qala aktıviniń jıyny ótti.

Qala ákimi Joldaýda kórinis tapqan jeti baǵytty jáne jarıa etilgen bes bastamany qala kóleminde júzege asyrý boıynsha naqty sharalar júzege asyrylatynyn aıtty.

MURAT ÁITENOV, SHYMKENT QALASYNYŃ ÁKİMİ
- Prezıdent «Bıznestiń jol kartasy» jáne «Qarapaıym zattar ekonomıkasy» baǵdarlamalarynyń merzimin 2022 jylǵa deıin sozý týraly sheshim qabyldady. Bıyl «Bıznestiń jol kartasy» boıynsha qalamyzda byltyrǵymen salystyrǵanda 6 ese kóp qarjy qaralyp, 4,8 mlrd. teńgeni qurady. Jeti aıdyń qorytyndysymen 970 joba 3 mlrd. teńgege jýyq qarjylandyryldy. «Qarapaıym zattar ekonomıkasy» boıynsha bıyl 80 jobanyń bank nesıelerin sýbsıdıalaý jáne 20 jobany kepildendirý josparlanyp, bul maqsatqa 83,4 mlrd. qarjy qaraldy. Baǵdarlamaǵa qatysýǵa 84 kásiporyn ótinim bildirdi. Onyń ishinde 61 joba qarjylandyryldy.

Sonymen birge Memleket basshysy 2025 jylǵa qaraı qaıta óńdeý ekportynyń kólemin 1,5 ese – 24 mlrd dollarǵa deıin, al eńbektiń ónimdiligin 30 paıyzǵa kóterý mindetin belgiledi. Bul boıynsha qalada shıkizat emes sektorda eksport kólemin ulǵaıtýda 2025 jylǵa deıingi merzimde eksportqa baǵdarlanǵan 62 joba iriktelip, eksporttyq áleýetti 608 mlrd. teńgege jetkizý jóninde jospar túzildi. Bıylǵy jeti aıda 10 jobanyń eksporttyq kólemi 54,5 mlrd teńgeni quraǵan.

Joldaýda mal sharýashylyǵy men agrarlyq salada mańyzdy mindetter belgilengenip, aýyl sharýashylyǵy salasynyń basty mindeti – elimizdi negizgi azyq-túlik ónimimen tolyq qamtamasyz etý ekendigi basa aıtyldy.

Qala basshysy aıtylǵan mindetterdi júzege asyrýda Shymkentte qurylysy bastalǵan 2 agroındýstrıaldy aımaqtyń esebinen qol jetkizýge bolatynyn atap ótti. Ol óz sózinde aýylsharýashylyq ónimderin tereń óńdeýde «Bozaryq» tamaq ónerkásibi ındýstrıaldy aımaǵy qurylyp, quny 23 mlrd. teńgeni quraıtyn 1 810 jumys ornymen 21 joba iske asatynyn. Ekinshi aımaqta 136 gektarǵa zamanaýı ónerkásiptik jylyjaı̆ keshenderi salynyp, onda 30 mlrd. teńgege 2 000 jumys ornymen 20 joba júzege asatynyn málim etti.

Qazaqstan halqyna arnaǵan Joldaýynda Prezıdent zamanaýı sıfrlyq tehnologıalar transfertin aıryqsha mańyzdy ekenin aıtty. Memlekettik organdardyń aqparattyq júıeleriniń ózara tıimdi kiriktirilýi tezirek sheshimin tabýy kerek degen basymdyq aıqyndaldy. Bul baǵytta qalamyzda geoportal júıesin ázirleýdi qolǵa aldyq. Jer qatynastary, sáýlet, qala qurylysy, ınjenerlik jeliler salalary boıynsha júıeli aqparattyq derekter qalyptastyrylýda. Kórsetiletin memlekettik qyzmetter tolyq avtomattandyrylatyn bolady.

Memleket basshysy otandyq dári-dármek pen qural-jabdyqtyń úlesin búgingi 17 paıyzdan 50 paıyzǵa jetkizý mejesin belgiledi. Qalada farmasevtıkalyq klaster damyǵan. Medısına jabdyqtarynyń óndirisi de jolǵa qoıylǵan. Al, buqaralyq sportty damytý boıynsha megapolıste bıyldan bastap shalǵaı eldi mekenderde 115 sport alańshasyn ornalastyrý bastamasy iske asyrylýda. Sport seksıalaryna jan basyna qarjylandyrý júıesi engizildi. Bul baǵyttaǵy jumystar aldaǵy ýaqytta da jalǵasyn tabatyn bolady.

Óziniń qorytyndy sózinde Murat Áıtenov Prezıdent belgilegen jumysty óz deńgeıinde atqarýǵa barlyq múmkindikter bar ekenin aıtyp, bul mindetterdi júzege asyrýda birlese jumys isteýge shaqyrdy.

Qala basshysy megapolıs ekonomıkasynyń damýyna oń áserin tıgizetin saıası qujatta aıtylǵan mindetterdi júzege asyrý úshin óziniń orynbasarlary men salalyq basqarmalarǵa birqarat naqty tapsyrmalar júktedi.

Qala aktıviniń otyrysynda qalalyq máslıhat depýtaty, ardagerler keńesiniń tóraǵasy, ózbek etnomádenı birlestiginiń tóraǵasy men qoǵamdyq uıym ókilderi Joldaýdaǵy alǵa qoıylǵan mindetterdi júzege asyrýǵa qatysty pikirlerin bildirdi.

Jıynǵa qalamyzdyń zıaly qaýym ókilderi, ardagerler,qalalyq máslıhat depýtattary, partıalar men qoǵamdyq uıymdardyń jetekshileri, quqyq qorǵaý organdarynyń basshylary, aýdan ákimderi men basqarmalardyń basshylary,jastar jáne BAQ ókilderi qatysty.