Qazirgi ýaqytta Shymkent qalasynda eńbek etý úshin jumys berýshige ruqsat etilgen 250 shetel azamaty tirkelgen. Bıyl 1-shi maýsymdaǵy jaǵdaı boıynsha jumys berýshilerge sheteldik jumys kúshin tartýǵa 322 birlik kvota bólindi. Onyń negizinde qaladaǵy 33 kásiporyn men uıymdarda 250 sheteldik azamat jergilikti atqarýshy organdardyń ruqsatymen jumys isteýde.

Sheteldikterge qala aýmaǵynda jumys isteýge ruqsat berý jáne jumys isteý merzimin uzartý tártibi men sharttaryn aıqyndaý maqsatynda jumyskerlerdiń 4 túrli sanaty belgilenedi. Atap aıtqanda, birinshi sanat – basshylar jáne olardyń orynbasarlary (7 adam), ekinshi sanat – qurylymdyq bólimshelerdiń basshylary (19 adam), úshinshi sanat – mamandar (214 adam), tórtinshi sanat – bilikti jumysshylar (10 adam). Shetel jumys kúshiniń negizgi bóligi – úshinshi jáne tórtinshi sanattaǵylar.

Sondaı-aq, jumys berýshiler shetel jumys kúshin tartqany úshin salyq tóleıdi. Ár sanat úshin óziniń bekitilgen koefısıenti bolady. Shetel jumys kúshin tartýǵa ruqsat bergeni jáne uzartqany úshin jyl basynan beri 58,8 mln teńge alym jergilikti búdjetke tústi.

Aıta keteıik, atalǵan kásiporyndarda jumys isteıtin QR azamattarynyń sany – 12 312. Jergilikti azamattardyń qamtý kórsetkishi – 98,0 paıyz. Bul rette jergilikti mamandardyń biliktiligin arttyrýǵa basymdyq berilýde. Osy jumystardyń nátıjesinde shetel mamandaryna degen suranys tómendemek.