Memleket basshysy Joldaýda ekologıaǵa erekshe toqtalyp, qalalardy jasyl jelekke bóleý jaǵyna da toqtalǵan bolatyn. Osy baǵytta Shymkentte aýqymdy jumystar atqarylýda. Ásirese qala ishindegi burynǵy qoqys alańy srytqa kóshirildi.

Sondaı-aq saı-saladaǵy kúl-qoqys tastalǵan jerler tazalanyp, jasyl jelekter otyrǵyzylýda. Sonyń biri Qarataý aýdanyna qarasty Alataý kóshesindegi jyra. Ol jerge kúl-qoqysy azdaı óndiris qaldyǵy da tastalatyn. Qolqany qapqan sasyq ıis pen tútinge tunshyqqan jurt bılikten birneshe márte kómek suraǵan.

Qala ákimi Murat Áıtenov atalmysh máselege erekshe den qoıyp, halyqqa qolaıly ortany qalyptastyrýdy birden qoldaǵan bolatyn. Osydan 6 aı buryn qoqys orny bolǵan jerde, búgin kógal egilip jatyr. Eki birdeı sport alańshasy men trenajer, balalardyń oıyn elementteri ornatylǵan jańa saıabaq paıda bolady.

Qaraýsyz qalǵan aýmaqty qoqys orny qylyp alǵan turǵyndarǵa, qos qoldap turyp qoldaý bildirgen óndiris oshaqtary ózderinen shyqqan qaldyqtaryn osynda tógip kelgen. Jaǵymsyz ıispen tútinge tunshyqqan turǵyndar, bul mańaıdan tún túgili kúndiz júrýdiń ózi qorqynyshty edi, dep eske alady. 4 gektar aýmaq búginde adam tanymastaı ózgergen.

Búginde saıabaq qurylysynyń 90 paıyzy aqtalypty. Avtoturaq pen kógal egý jumystaryna qyzý kirisken jumysshylar, birer kúnde mundaǵy tirlikti tolyǵymen támámdaımyz, dep otyr. Degenmen, merdiger mekeme ókili 3 jyl boıynda kepildik merzimimiz bar, deıdi. Saıabaqtyń ashylý saltanatyn asyǵa kútip júrgen jergilikti turǵyndar, saıaly mekendegi keshkilik serýendi bastapta ketken.