Jergilikti bılik pen Tótenshelikter úı-úılerdi aralap ýlanýdyń aldyn alý sharalaryn túsindirip jatyr. Sondaı sharanyń biri qaınarbulaq saıajaıynda jalǵasty. Qutqarýshylar az qamtylǵan otbasylardyń úılerin aralap, peshterdiń murjalaryn tazalap berdi. Tipti keıbirine dabyl qaqqysh ornatty.

Tótenshelikter ár úıge jeke jeke kirip pesh murjalarynyń tazalyǵy men jylytý qazandyqtarynyń qaýipsizdigin tekserip shyqty. Az qamtylǵan otbasylar men asyraýshysy joq janularǵa qoldan kelgen kómek jasap murjalaryn tazalap berdi.

Kún salqyn túsisimen jurt pesh eaǵyp keıbiri elektr jylytqyshtaryn paıdalanady. Jaz boıy qaraýsyz turǵan pesh byqsyp janbaı qalýy múmkin. Onyń sońy ýly gazdan ıistenýge soqtyrady. Sondyqtan qaýiptiń aldyn alǵan jón, deıdi qutqarýshylar.

Jalpy ótken jylytý maýsymynda júrgizilgen júıeli jumystyń nátıjesinde qala aýmaǵynda ıis tıip ýlaný jaǵdaıy birshama azaıǵan. degenmen oǵan toqmeıilsýge bolmaıdy, deıdi tótenshelikter. Qaınarbulaq saıajaılary aýmaǵynda áleýmettik az qamtylǵan 20 dan asa otbasy bar. Salaǵa jaýaptylar turǵyndardyń jylytý quraldarynyń qubyrlaryn tazalap, qajet bolǵan jaǵdaıda peshterin jóndep berýge daıyn ekenderin jetkizdi.

Aıta keteıik aǵymdaǵy jyldyń segiz aıynda Qarataý aýdanynyń aýmaǵynda 30 órt tirkelse onyń 7-i Qaınar bulaq aýmaǵynda oryn alǵan.