Almaty qalasy ákimdigi qorshaǵan orta qaýipsizdigi men salaýatty ómir saltyn qalyptastyratyn birneshe jobany júzege asyrýǵa múmkindik beretin kelisimge keldi. Ákimdik «Astana banki» jáne «Avtogaz Treıdpen» memorandýmǵa qol qoıdy. Kelisimshart nátıjesinde «Astana banki» 50-ge jýyq sportzal salady. Al, «Avtogaz Treıd» bolsa, avtokólikterge arnalǵan kógildir otyn quıatyn 20 beket salýdy josparlap otyr. Budan bólek, Túrksib aýdanynda kópsalaly sport kesheni de boı kótermek. Bul týraly Qamshy portaly  Baq.kz -ke silteme jasaı otyryp habarlaıdy.

Almaty - elimizdegi iri qarjy ortalyǵy. Sondyqtan qaladaǵy kásipkerlerdiń áleýmettik áleýetin arttyrý kezek kúttirmeıtin másele. Almaty qalasynyń ákimi Baýyrjan Baıbek kásipkerlerdiń búgini men erteńin ekshedi. «Astana banki», «Avtogaz Treıd» kompanıalarymen kelisimshartqa qol qoıyldy.

«Almatylyqtarmen kezdesken kezde olarda óz rızashylyǵyn bizdiń kásipkerlerimizge bildirýde. Sondyqtan da búginde birqatar bizdiń kásipkerlerimiz óziniń usynysyn akımatqa bildirip, birneshe kelisimsharttarǵa qol qoıatyn bolamyz»,- dedi Almaty qalasynyń ákimi Baýyrjan BAIBEK.

Kelisimshart nátıjesinde «Avtogaz Treıd» qaladaǵy kólikterge arnalǵan kógildir otyn quıý beketterin salady. Sonymen qatar, Túrksib aýdanynda kópsalaly sport kesheni boı kótermek. Bul salaýatty ómir saltyn qalyptastyrý maqsatynda jasalyp otyrǵan joba,- deıdi ákimdiktegiler. «Astana banki» de qyzmetten qalys qalmady. Qala aýmaǵy boıynsha 50 áleýmettik sport alańqaıyn salmaq.

«Sport alańqaılaryn salýdy josparlap otyrmyz. Budan bólek, «Kovorkıng» jobasy bar. Bul jumysyn endi bastaǵan kásipkerlerge paıda tabýǵa jaqsy múmkindik bermek»,- dedi Banktiń basqarma tóraǵasy Eskendir MAILYBAEV.

Sonymen qatar, ınvestısıalyq baǵdarlama aıasyndy fın tehnologıasy boıynsha qurylys kombınaty salynady. Bul jylyna 200 myń sharshy metr turǵyn úı salýǵa múmkindik beredi. Joba óndiristik aımaqta turǵyzylady.

Óndiristik aımaq - Almaty ekonomıkasynyń ósýiniń mańyzdy bóligi. Indýstrıalyq aımaqta 80-ge jýyq kásiporyndar bar. Osy aýmaqta qyzmetin bastaıtyn jobalar zamanaýı ınovasıalyq negizde ónerkásip óndirisin damytyp, halyqty qoljetimdi baspanamen qamtamasyz etýge serpilis bermek.