Almaty №5 qalalyq klınıkalyq aýrýhana men Sankt-Peterbordyń LOR ǵylymı-zertteý ınstıtýty estý múmkindigi shekteýli balalardyń kohlearly ımplantasıasy boıynsha tájirıbe almaspaq. Bul týraly Qamshy portaly Aıqyn-aqpartqa silteme jasaı otyryp habarlaıdy.

Ol úshin Sankt-Peterbordyń LOR ǵylymı-zertteý ınstıtýtynyń jetekshi mamany, aýdıolog V.Pýdov kelip otyr. Sýrdofonıatrıalyq ortalyq bazasynda úsh kún boıy sheberlik synyby ótpek. Sol ýaqyt ishinde elimizdiń ár túkpirindegi 50-den artyq bala tegin medısınalyq kómek alady. 

Elimizde 2007 jyldan beri kohlearly ımplantasıaǵa memleket aqsha bólip ke­ledi. Búgingi tańda, ıaǵnı 2007-2015 jyl­dar aralyǵynda 1100 balaǵa operasıa ja­salǵan. Dáriger Bolat Sadyqov Qazaq­stan Orta Azıada kohlearly ımplanta­sıaǵa aqsha bólip otyrǵan jalǵyz el ekenin aıtady. «Elbasynyń arqasynda bizdiń balalarymyzǵa medısınalyq kó­mek kórsetýge qarajat bólinip otyr. Bú­ginde medısınada jańa tehnıkalardyń shyqqanyn bilesizder. Máselen, kohlear­ly ımplant – óte qymbat apparat. Osy oraı­da kohlearly ımplantasıa júıesiniń sóı­leý pro­sessoryn aýystyrý úshin Úkimet 1 mln 150 myń teńge bóldi» deıdi Bolat Sadyqov. 
Kohlearly ımplant operasıa arqyly ishki qulaqqa engiziledi. Apparat qosylǵannan keıin, bala estı bastaıdy. Qazir №5 qalalyq klınıka­lyq aýrýhanada osyndaı operasıany, sóıleý prosesoryn aýystyrýdy kútken 60-qa jýyq adam kezekte tur. Operasıa jasaýǵa irikteý ke­zinde birinshi eresekter arasynda kóbine jara­qat alǵan, ıaǵnı oǵan deıin sóılep kelgen jan­dar alynady, balalar arasynda 3 jasqa deıingi ba­lalar birinshi kezekte iriktep alynady. 
– Kohlearly ımplantasıa – keshendi prob­lema, ıaǵnı medısınalyqpen qatar, pedagogı­kalyq, psıhologıalyq, áleýmettik problema. Biz bul jumyspen 18 jyldan beri jumys istep kelemiz. Instıtýtymyzdyń qazirgi tańdaǵy negizgi jumysy – kohlearly ımplantasıa bo­ıyn­sha joǵary tehnologıalyq medısınalyq kómek kórsetý. Men de kohlearly ımplantty tegin alýyna múmkindik jasap otyrǵan memle­ketterge rızashylyǵymdy bildiremin, – deıdi aýdolog V. Pýdov . 
23-26 qyrkúıek aralyǵynda kórshi elden kelgen maman elimizdegi pasıentterdiń ata-ana­laryna kohlearly ımplantasıadan keıin ba­lalardy ońaltý boıynsha tegin keńes berip, semınar-trenıng ótkizbek.