Búgingi Parlament Májilisiniń jalpy otyrysynda depýtattar 35 zań jobasyn qaraıtyn bolady. Otyrys barysynda Aýyl sharýashylyǵy mınıstri Asyljan Mamytbekov "QR keıbir zańnamalyq aktilerine aýyl sharýashylyǵy kooperasıasy máseleleri boıynsha ózgerister men tolyqtyrýlar engizý" týraly zań jobasy jaıynda baıandama jasap, depýtattar saýaldaryna jaýap berdi. Bul týraly Qamshy portaly Baq.kz –ke silteme jasaı otyryp habarlaıdy.

Qujat aýyl sharýashylyǵy kooperatıvteriniń barlyq túrlerin (aýyldyq tutyný kooperatıvteri, sý paıdalanýshylardyń aýyldyq tutyný kooperatıvteri, aýyl sharýashylyǵy óndiristik kooperatıvteri, aýyl sharýashylyǵy seriktestikteri) óndiristik kooperatıvtiń uıymdastyrý-quqyq nysanyndaǵy komersıalyq zańdy tulǵalar retinde aıqyndaý kózdelip otyrǵandyǵyn atap ótken mınıstr, sharýalardyń memleket qoldaýyn kórýi úshin áli de bolsa birige túsý kerektigin atap ótti.

- Eger elimizdiń sharýalary áli de birige tússe, memleket tarapynan usynylatyn sýbsıdıaǵa qoljetimdilik arta túsetin bolady. Sonymen qatar, bul zań memlekettik qoldaý sharalaryn kúsheıtý jáne fermerlerdiń kooperasıasy prosesin yntalandyrý, sondaı-aq, birigýdiń osyndaı nysanynyń tartymdylyǵyn arttyrý retinde aýyl sharýashylyǵy kooperatıvteriniń qyzmetin, qyzmet túrleriniń aıqyndalǵan tizbesi boıynsha arnaýly salyq rejımi sheńberinde júzege asyrýdy usynady, - dedi Asyljan Sarybaıuly.

Zań jobasyn otyrysqa qatysqan 103 depýtat biraýyzdan maquldady.