Reseı Eýropaǵa gaz jetkizýdi tarıhı mınımýmǵa deıin qysqartady. Dúısenbige qaraǵan túni Gazprom profılaktıkalyq jumystar úshin dep Baltyq teńiziniń túbimen Germanıaǵa baratyn negizgi baǵyty – Soltústik aǵyn qubyryn 10 kúnge jabatynyn málim etti. Biraq Eýropa Reseı gaz jetkizýdi birjola óshire me dep úreılenedi, dep jazady VVS-diń orys qyzmeti.

Germanıa ystyq sýdyń deńgeıin retteýdi, shamdardy óshirýdi bastap ketti. Al Eýropa jekelegen elder deńgeıinde emes, birnesip tótenshe jaǵdaı jarıalaýǵa daıyndalyp jatyr. Tótenshe jaǵdaı jospary osy aptada usynylmaq.

Eýrokomıssar Kadrı Sımson jaǵdaı óte kúrdeli ekenin, daǵdarys órshı túsýi múmkin ekenin aıtady.

"Reseı gaz jetkizýdi toqtatýdy jalǵastyra berýi de ǵajap emes" deıdi ol.

Gazprom úsh jyl buryn Eýropaǵa kúnine 500 mıllıon tekshe metrge deıin gaz jetkizetin. Osy jyldyń mamyr aıyndatáýligine 250 mln ǵana jetkizdi. Shilde basynda ony 140 mln tekshe metrge deıin azaıtty. Profılaktıka kezinde qýaty az "Túrik aǵyny" eksportynan da azaıyp, 100 mln tekshege tómendep ketti. Jaqyn 10 kúnde Eýropaǵa 75 mln tekshe metr ǵana kógildir otyr jetkizilmek.

Ótken aptada Eýrokomıssıa basshysy Ýrsýla fon der Láıen Eýroparlamentti gaz jetkizýdegi úzilisterge jáne gazdyń tolyqtaı toqtaýyna daıyn bolý kerektigin eskertken.

"Tótenshe sharalardyń jalpy josparynsyz EO-nyń 27 eli 450 mıllıon azamattyn jáne álemdegi ekinshi ekonomıkany aýqymdy daǵdarystan qorǵaı almaıdy. Jalǵyz áreket etý ýaqyty ótti. Sondyqtan Eýropalyq Komısıa osy aptanyń sońynda energetıkalyq daǵdarysqa qarsy tótenshe jospardy jarıalaıdy" deıdi fon der Láıen.

Jospardyń egjeı-tegjeıleri áli belgisiz, biraq eki negizgi ıdeıa qazirdiń ózinde aıqyn. Birinshiden, daǵdarys jaǵdaıynda bári teń bolýy úshin qolda bar qorlar men aǵymdaǵy jetkizilimderdi bólý, baı elder kedeı elderge kómektesedi, gazy bar elder jaǵdaı múldem qıyn bolyp jatsa, qur-qol otyrmaýy kerek. Ekinshiden, suranysty yntymaqtasyp qysqartý. Eger gaz bárine jetpese, aldymen neni únemdeý kerektigi sheshiledi.

Eýroodaq Reseı gazyna asa táýeldi. Reseı Ýkraınaǵa basyp kirgeli, gaz jetkizýdi Eýropa elderine qyr kórsetýdiń negizgi ádisi retinde paıdalanyp keledi. Sáýirde Reseı prezıdenti Vladımır Pýtın "sheteldik satyp alýshylar Reseı gazyn rúblmen satyp alýy kerek bolmasa jetkizý toqtatylady" degen talap qoıǵan. Ol sol arqyly rúbldi nyǵaıtýdy kózdegen. Kremldiń energetıkalyq saıasatynyń saldarynan byltyrdan beri Eýropada gaz baǵasy 8 ese qymbattaǵan.