Almatydaǵy mıtıń kezinde quqyqqorǵaýshy Marjan Aspandıar saılaý, beıbit jıyn jáne saıası partıaǵa qatysty zańdarǵa ózgeris engizilýi keregin aıtty. 

"Bizdiń polısıa da, sot ta, UQK de qylmystyq bıliktiń shashpaýyn kóterip otyr. SAılaý kezinde qandaı zańsyzdyqtar bolǵanyn bilesizder. Aryz-shaǵym jazdyq. Biraq ótirik jaýaptar keldi. Almaty qalalyq máslıhattyń beıbit jıyn týraly zańǵa ózgeris jasaýy keregin talap ettik. Alaıda Almaty qlaasyndaǵy beıbit jıyn ótkizetin oryndarǵa qatysty zańǵa ózgerister engizilýi kerek. Qazirgi Astana qalasyndaǵy oryndaryna jaıǵasqan depýtattardy moıyndamaımyz. Alaıda olardyń ishinde "biz shynaıy depýtatpyz, zańdy túrde saılandyq" dep aıtyp júrgender bar. Sol depýtattar saılaý týraly, beıbit jıyn jáne saıası partıalar týraly zańdarǵa ózgeris engizilýin talap etýi kerek. Halyqtyq parlament zańnyń qaı babyna ózgeris engizilýi keregin aıtyp, kómektesýge daıynbyz", dedi Marjan Aspandıar. 

Sondaı-aq mıtıń uıymdastyrýyshylarynyń biri Muhtar Taıjan jańadan depýtat bolyp saılanǵan Ermurat Bapı men Abzal Quspanǵa úndeý jasady. 

"Osy zańdarǵa ózgeris engizý keregin Ermurat Bapı men Abzal Quspan Májiliste kóterýi kerek", dedi ol.