Atyraýda polıseıler belgili jýrnalıs Vıktor Sýtágınniń kóligin órtep jiberdi degen kúdikpen er adamdy ustady. Bul týraly Qazaqstan İİM resmı arnasy habarlady.

Vedomstvo málimetinshe, polısıa  jýrnalısiń kóligin órtep jiberdi degen kúdikpen er adamdy ustaǵan.

"Atyraý oblysynyń krımınaldyq polısıa qyzmetkerleri uıymdasqan qylmysqa qarsy kúres basqarmasymen birlesip, jýrnalısiń kóligin órtep jiberdi degen kúdiktini anyqtap, ustady", - deligen habarlamada.

Sonymen qatar, qazirgi ýaqytta bul fakt boıynsha tergeý jalǵasyp jatqany habarlandy.

Eske sala keteıik, 11 mamyrda "QazAqparattyń" Atyraýdaǵy menshikti tilshisi Vıktor Sýtágınniń kóligi órtengen bolatyn. Vıktor Sýtágınniń aıtýynsha, túngi ekiden keıin er adamnyń kóligine jaqyndaǵanyn, kólik mańyndy birdeńe jasaǵany kameraǵa túsip qalǵan, sodan keıin kólik órtengen.

Qylmystyq kodekstiń 202 baby,  3 bóligi boıynsha jábirlenýshiniń aryzy tirkelgen edi.