Almatynyń Almaly aýdanynda Naýryznama baǵdarlamasy aıasynda «SPORT – DOSTYQ ALAŃY» ulttyq sport festıvali ótti.

İs-sharaǵa aýdan ákimdiginiń ókilderi, İle aýdanynan kelgen Respýblıkalyq analar qoǵamynyń músheleri qatysty. Sonymen qatar festıválge aýdan turǵyndary jáne sportta daryndy balalarǵa arnalǵan arnaýly mektep-ınternat-kolledjiniń oqýshylary qonaq retinde shaqyryldy.

Ashylý rásiminde oqý ornynyń basshysy Jámılá Tanabaeva qatysýshylardy Kórisý kúni merekesimen quttyqtap, jarysqa qatysýshylarǵa sáttilik tiledi.

Festıvál baǵdarlamasy aıasynda ulttyq jáne sporttyq oıyndar boıynsha túrli saıystar uıymdastyryldy. Qatysýshylar asyq atý, kir tasyn kóterý, arqan tartý, qol kúresi jáne sekirtpemen sekirý boıynsha baq synasty. Jarys qorytyndysy boıynsha jeńimpazdardy marapattaý rásimi uıymdastyryldy. Qatysýshylar men kórermender úshin konserttik baǵdarlama usynyldy.

Aıta keteıik, festıváldiń negizgi maqsaty – qala turǵyndary arasynda ulttyq sport túrlerin keńinen nasıhattaý jáne salaýatty ómir saltyn qalyptastyrý.