Almaty oblysyndaǵy orta mektep-gımnazıa ǵımaratynda ornalasqan №947 saılaý ýchaskesinde respýblıkalyq referendým aıasyndaǵy daýys berý prosesi zań talaptaryna sáıkes uıymdastyrylǵan, dep habarlaıdy  Alataunews.kz.

Bul týraly «Daýys» koalısıasynan tirkelgen baqylaýshy Sýleımenova Jaına Beıbıtovna málimdedi.

Onyń aıtýynsha, saılaý ýchaskesi búgin tańǵy saǵat 06:00-de ashylǵan. Ashylý rásimi barysynda Qazaqstan Respýblıkasynyń Memlekettik gımni oryndalyp, ýchaskelik saılaý komısıasynyń tóraǵasy men músheleri tolyq quramda jumysqa kirisken.

Baqylaýshynyń málimetinshe, saılaý ýchaskesi barlyq qajetti talaptarǵa saı tolyq jabdyqtalǵan. Daýys berýge arnalǵan kabınalar jetkilikti mólsherde ornatylǵan, al daýys beretin jáshikter komısıa músheleri men baqylaýshylardyń qatysýymen tekserilip, olardyń bos ekeni anyqtalǵannan keıin mórlengen.

“Daýys berý prosesine eshqandaı kedergi keltirilip jatqan joq. Alǵashqy daýys berýshiler kelip, óz tańdaýlaryn jasap úlgerdi. Olarǵa estelik retinde shaǵyn syılyqtar tabystaldy”, – deıdi baqylaýshy.

Saılaý ýchaskesinde «Daýys» koalısıasynan bólek basqa da uıymdardyń ókilderi baqylaý júrgizip otyr. Atap aıtqanda, «Amanat» partıasynyń, «Jastar úni» uıymynyń jáne «Aýǵan soǵysy ardagerleri» uıymynyń baıqaýshylary daýys berý barysyn qadaǵalaýda.

Sonymen qatar, saılaý ýchaskesiniń aldynda turǵyndar úshin arnaıy fotozona uıymdastyrylǵan. Daýys berýge kelgen azamattar sol jerde estelik sýretterge túsip jatyr. Baqylaýshylardyń aıtýynsha, №947 saılaý ýchaskesindegi jaǵdaı turaqty. Daýys berý prosesi ashyq ári zań talaptaryna sáıkes ótip jatyr.