Búgin qazaqstandyqtar tań bozynan respýblıkalyq referendýmǵa qatysý úshin erekshe belsendilik tanytýda. Elimizdiń barlyq óńirindegi daýys berý ýchaskelerinde óz azamattyq boryshyn óteýge asyqqan turǵyndardyń kezegi baıqalady.
Aıta keteıik, arnaıy daıyndyq naýqany aıasynda barlyq ýchaskeler úzdiksiz jumys isteýge tolyqtaı beıimdelgen bolatyn. Daýys berý kúni, ıaǵnı 15 naýryzda, barlyq ýchakeler esigin týra saǵat 07:00-de aıqara ashty.
Tipti, resmı jumys ýaqyty bastalmaı jatyp-aq, alǵashqylardyń biri bolyp daýys bergisi kelgen azamattar jınala bastaǵan. Alǵashqy bir saǵattyń ishinde bul úrdis tipti kúsheıip, qazirgi ýaqytta respýblıkanyń túkpir-túkpirindegi ýchaskelerde adamdar legi artyp otyr. Soǵan qaramastan, saılaý ýchaskelerinde kóterińki kóńil-kúı men dostyq ahýal ornaǵan.
